भांगरभूंय | प्रतिनिधी
गोंय अबकारी कायद्यांत दुरुस्ती
पणजी : गोंय अबकारी कायद्यांत दुरुस्ती केल्या. हे दुरुस्ते प्रमाण दुसऱ्यांच्या नांवार आशिल्लीं बार्रां चलोवप कायदेशीर करतले. 20 टक्के अतिरिक्त कर भरून एकाद्याच्या नांवार आशिल्लो बार चलोवपाचो परवानो मेळपाक शकता. राज्यांत 25 वर्सां वा ताचे परस चड काळ राबितो आसप्यांक हाचो लाव मेळटलो. सरकारी राजपत्रांतल्यान हे स्पश्ट जालां.
दुरूस्ते प्रमाण कायद्यांतलो नेम 104 क 104 (अ) हो नेम जोला. ते प्रमाण वयली कार्यवाही करपाक मेळटली. संबंदीत बार धनयान हो अर्ज आयुक्तांक अर्ज ई-28त दिवप गरजेचें. गरजेचीं कागदपत्रां सादर केल्यार अायुक्त बार चलोवपाचो परवानो दिवपाक शकतात, अशें राजपत्रांत नमूद केलां.
संबंदीत परवानो एका वर्सा खातीर वैध आसतलो. एका वर्सा उपरांत परतून नव्यान अर्ज करून नवो परवानो घेवचो पडटलो. 21 वर्सां वयल्या नागरिकांच्या नांवार परवानो दिवपाक मेळटलो. जर परवानो भागिदारी खातीर आसत जाल्यार भागिदार वा ताचे पालक अर्ज केल्ल्याचे तारखेक राज्यांत 25 वा ते परस चड काळाचो राबितो आसप गरजेचो. गुन्यांवकारी फाटभूंय आसपी व्यक्तीक परवानो दिवचे नात. परवानो अर्जदारा खेरीत हेर कोणाच्याच नांवार हस्तांतरीत जावचो ना. धनी वा अर्जदार दोगूय आयोगाच्या नेमां खातीर जापसालदार आसतले, अशें राजपत्रांत नमूद केलां.
अर्जा वांगडा लागपी कागदपत्रां, 20 टक्के अतिरिक्त शुल्क भरिल्ल्याचें चलन, बार चलोवपी धनी वा चलोवपाक इत्सूक आसपी व्यक्ती हांचे मदल्या कार्यवाहीची नोटरीकृत प्रत. संबंदीत व्यक्ती कंपनी आसत जाल्यार कंपनी रजिस्ट्रारा कडल्यान निगमत प्रमाणपत्राची प्रत, वा व्यक्ती आसत जाल्यार नोंदणी प्रमाणपत्र, भागिदारींत आसत जाल्यार संबंदीत रजिस्ट्राराच्या प्रमाणपत्राची प्रत, – ई -28 ब, ई -28 क प्रतिज्ञापत्राची प्रत, – ना हरकत प्रतिज्ञापत्र आसप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
