भांगरभूंय | प्रतिनिधी
बेगिनूच जातली अंमलबजावणीः पुलीस अधिक्षक धर्मेश अांगलें
भांगरभूंय I प्रतिनिधी
पणजीः राज्यांत दुचाकी अपघात दिसानदीस वाड जायत आसा. चालक आनी फाटल्यान बशिल्ल्या व्यक्तीक मरण येवपाच्यो घडणुको वाडल्यात. ताका लागून हॅल्मेट सक्ती नेमांची खरपणान अंमलबजावणी करतले. हाचे मुखार दुचाकी चालका फाटल्यान बशिल्ले व्यक्तीक हॅल्मेट घालपाची सक्ती आसतली, अशी म्हायती पुलीस अधिक्षक धर्मेश आंगले हांणी दिली.
बुधवारा आयोजीत केल्ले पत्रकार परिशदेंत तांणी ही म्हायती दिली. ह्या वेळार तांचे वांगडा येरादारी संचालक राजेंद्र सातार्डेकार आनी हेर अधिकारी हाजीर आशिल्ले.
राज्यांत रस्तो अपघातांचेर नियंत्रण दवरपाक येरादारी नेमांची खरपणान अंमलबजावणी जावप गरजेचें. तशेंच हॅल्मेट सक्ती आसुनूय कांय जाण हॅल्मेट वापरिनात. वाडट्या रस्तो अपघाता विशीं लोकां कडल्यान सुचोवणी आयकून घेवपाक 21 ऑक्टोबराक इन्स्टिट्यूट मिनेझीस ब्रागांझा सभाघरांत सकाळीं 10.30 वरांचेर ओपन फोरमाचें आयोजन केलां. ह्या फोरमांत सगले भागधारक म्हणल्यार येरादारी खातें, भौशीक बांदकाम खातें, येरादारी पुलीस अधिकारी, आपसेवी संस्था हाजीर रावतले, अशें आंगले हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
