भांगरभूंय | प्रतिनिधी
भांगरभूंय । प्रतिनिधी
दिवचलः दिवचलचें भौशीक गणेश मंडळ सामकें तळमळीन सेवा काम करून कलेच्या मळार अग्रणी आशिल्ले हे भूंयेत अंदूचो गणेश उत्सव कोरोना मुक्त वातावरणात जाताशिल्ल्यान ताका सगल्यांनी जाय तें सगलें सहकार्य करपाचें आवाहन दिवचलचो आमदार डॉ चंद्रकांत शेट्ये हांणी केलां.
दिवचल गणेश मंडळाच्य लॉटरी कुपन विक्रीची सुरवात डॉ शेट्ये हांचे हस्तुकीं केली. ह्या वेळार मंडळाचो अध्यक्ष दत्तगुरू आमोणकार, आदलो सभापती राजेश पाटणेकार, दिवचलचो नगराध्यक्ष कुंदन फळारी, लॉटरी मुखेली प्रशांत धारगळकार, शिवराम फळारी, नगरसेविका अपर्णा फोगेरी, प्रदीप तिरोडकार माचयेर आशिल्लो.
दत्तगुरू आमोणकारान येवकाराच्या भाशणात गणेश मंडळाक सहकार्य करपाचें आवाहन केलं. पशांत धारगळकारान लॉटरी विकत्यो घेवपाचें लोकां कडेन मागलें. राजेश पाटणेकारान दिवचल गणेश मंडळान शिक्षण, भलायकी आनी सामाजीक मळार बरें योगदान दिलां. लोकांनी लॉटरीच्या माध्यमांतल्यान सहकार्य करपाचें आवाहन केलें. सूत्रसंचालन नरेश कडकडे हांणी केलें आनी शिवराम फळारीन उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
