भांगरभूंय | प्रतिनिधी
दिवचलः सरकारी केंद्र शाळा अशी वळख आशिल्ल्यान आनी सुमार 11 कोटी रुपया खर्च करून नुतनीकरण दिवचलचे छत्रपती शिवाजी महाराज सरकारी विद्यालय इमारतीचें केलां. शेनवारा 28 जानेवारीक मुख्यमंत्री डॉ. प्रमोद सावंत हांचे हस्तुकीं तिचें उक्तावण जातलें, अशी म्हायती आमदार डॉ. चंद्रकांत शेट्ये हांणी दिल्या.
हे इमारतीक दोन माळे, सुसज्ज सभाघर तशेंच भुरग्यां खातीर विशेश समुपदेशन करचे खातीर स्वतंत्र विभाग आसतलो. तेचवरी सुसज्ज वाचपघर आनी हेर सुविधा दिल्यात.
हे शाळेंत भुरग्यां खातीर विवीध सुविधा उपलब्ध आसात. गोंयांतलें एक आदर्श विद्यालय म्हूण ह्या संकुलाची मेजणी जातली, अशेंय डॉ. शेट्ये हांणी म्हणलां.
28 जानेवारीक सांजेच्या 5 वरांचेर जावपी उक्तावण सुवाळ्यांत मुख्यमंत्री डॉ. सावंत हांचे सयत आमदार शेट्ये, गोंय साधन सुविधा मंडळाचे उपाध्यक्ष केदार नायक, नगराध्यक्ष कुंदन फळारी, वेवस्थापकीय संचालक हरीश हडकोणकार, शिक्षण संचालक शैलेश झिंगडे हाजीर रावतले. इमारतीचें काम पुराय जावन लेगीत कांय तंत्रीक कारणांक लागून तिचें उक्तावण आडावल्लें. अखेर उक्तावणाचो दीस आयिल्ल्यान पालक तशेंच विद्यार्थ्यांनी समाधान उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
