भांगरभूंय | प्रतिनिधी
दिवचलचे उद्देजक संदेश फळारी (55) आयतारा 24 वेर संवसाराक अंतरले. तांच्या पार्थिवाचेर बुधवार 26 वेर सकाळीं 11 वरांचेर निमणे संस्कार जातले.
आंकवार आशिल्ले संदेश हे दिवचले मनमिळाऊ सभावाक लागून लोकप्रीय आशिल्ले. अचकीत अस्वस्थ दिसपाक लागिल्ल्यान तांकां जीएमसींत व्हेल्ले. थंय उपचार चलतना दनपरां 3 वरांचेर तांकां मरण आयलें. तांच्या फाटल्यान आई, भाव, पुतणे, पुतणी असो परिवार आसा.
तांच्या मरणाचेर आमदार डॉ. चंद्रकांत शेट्ये, आदले सभापती राजेश पाटणेकार, आदले आमदार नरेश सावळ, नगराध्यक्ष कुंदन फळारी हांणी दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
