भांगरभूंय | प्रतिनिधी
पणजी : ‘मध्यांतर’ ह्या कन्नड लघुपटाचो गोंयांत 20 ते 28 नोव्हेंबर मजगतीं जावपी इफ्फींत आसपाव जाला. बस्ती दिनेश शणै हांणी तो बरोवन दिग्दर्शित केला. कोंकणी विश्व केंद्राचे स. बस्ती वामन शणै हांचे ते पूत.
इंडियन पॅनोरमा विभागा खातीर निवड जाल्ल्या ह्या चित्रपटाची कथा 1970 च्या दशकाची आसा. सिनेमा पळोवपाक पयस पयस चलत वचपी खेडेगांवांतले दोन भुरगे व्हड जातकच स्वताच निर्माते, दिग्दर्शक जातात, ताची ही काणी. हातूंत 1970- 80 च्या दशकांतल्या कन्नड सिनेमांचेरुय उजवाड घाला.
बस्ती दिनेश शणै हांणी फाटलीं 25 वर्सां कॅमेरामन, निर्माते, दिग्दर्शक म्हूण काम केलां. ‘मध्यांतरा’चे कॅमरामन आसात, सुनील बोरकार. ज्येश्ठ कला दिग्दर्शक शशीधर कडापा हांणी कला निर्मितीचें काम सांबाळ्ळां. सुरेश अर्स संकलक आसात. तर सिद्धांत माथूर संगीतकार. ह्या सिनेमांत वीर, अजय नीनासन हांणी मुखेल भुमिका केल्यात. तर रमेश पंडित, राजकुमार श्रीनिवासन आनी हेर कलाकारुय ह्या सिनेमांत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
