दिगंबर कामत हांकां भाजपांत प्रवेश दिवचे नात ः मनोहर आजगांवकार

भांगरभूंय | प्रतिनिधी

भांगरभूंय प्रतिनिधी
मडगांव: मडगांवांत भाजप मंडळ घटमूट आनी क्रियाशील करपाचेर भर दितले. खंयचेय परिस्थितींत मडगांवचे आमदार दिगंबर कामत हांकां भाजपांत प्रवेश दिवचे नात अशें आदले उपमुख्यमंत्री मनोहर आजगांवकार हांणी मडगांवां आयोजीत केल्ल्या गरीब कल्याण संमेलनांत स्पश्ट केलें.
भाजपाचो कार्यकर्तो हो पक्षाचो कणो.  कार्यकर्त्याक पक्षाच्या आनी सरकाराच्या कार्यावळींनी प्राधान्य दितले. भारतीय जनता पक्षाच्या मडगांवच्या कार्यकर्त्यांनी सरकारी कामां घेवन म्हजे कडेन येवचें. भारतीय जनता पक्षा कडेन ज्यो येवजण्यो आसात त्यो  हेरां लागीं नात. कामत हांकां पक्षांत घेवपाक पक्षाचे फुडारी इत्सूक नात अशेंय आजगांवकार हांणी सांगलें.