भांगरभूंय | प्रतिनिधी
भांगरभूंय । प्रतिनिधी
फोंडेंः दासोळवाडो- कुंडय हांगा सरकारी माध्यमीक विद्यलयाच्या आवाठांत ऍरटेल कंपनीचो मोबायल टॉवर उबारपाच्या कामाक थळाव्या लोकांनी विरोध केला. फाटल्या शेनवारा अकस्मात कामाक सुरवात केल्ल्यान लोकांनी कामगारां कडेन चवकशी केली तेन्ना तांका मोबायल टॉवराची म्हायती मेळ्ळी. उपरांत तांणी ताका विरोध करपी निवेदनाचेर लोकांच्यो सयो घेवन तें सरकाराक सादर करपाची तयारी केली.
विद्यालया कुशीक मोबायल उबारपाचें काम सुरू करतगीर आयतारा लोकांनी बसका घेवन ताका विरोध करपाचें थारायलें. आयतार सांजे मेरेन सुमार 250 जाणांनी निवेदनाचेर सयो केल्ल्यो.
जाय ते परवाने घेनास्तना हो मोबायल टॉवर उबारपाचें काम सुरू केलां. पालक तशेंच थळाव्या लोकांचो टॉवराक विरोध आसा. माध्यमीक विद्यालयांत 110 परस चड विद्यार्थी शिकतात. ताचें भलायकेक टॉवराक लागून परिणाम जावपाची भिरांत आसा अशें विजेश नायक हांणी विरोधाक आशिल्लें कारण स्पश्ट करतना सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
