दाल्गाद कोंकणी अकादमीचे पुरस्कार जाहीर
भांगरभूंय | प्रतिनिधी
दाल्गाद कोंकणी अकादमीन २०२३ वर्साचे पुरस्कार जाहीर केल्यात. आयज मडगावात घेतिल्ले पत्रकार परिषदेत अकादमीचे अध्यक्ष सेल्सो फर्नांडीस हांणी हे पुरस्कार जाहीर केले. या वेळार उपाध्यक्ष विलियम फर्नांडीस, भांडारी आफोंस ब्रागांझा, सरचिटणीस मायकल जेसन बार्रेटो हे उपस्थित आसले.
- दाल्गाद साहित्य पुरस्कार – एन्थनी मिनेझीस, दाल्गाद सांस्कृतिक पुरस्कार – सी डिसिल्वा, दाल्गाद रोमी कोंकणी सेवा पुरस्कार– एन्थनी मिरांडा, जोएल डिसौझा दायज पुरस्कार – आगोस्तिन दा क्रुझ, प्रभाकर तेंडुलकार कोंकणी संस्था पुरस्कार – माची मोगी, सांताक्रुझ, फा. फ्रेडी जे दा कॉस्ता पत्रकारिता पुरस्कार – मार्कोस गोन्साल्विस, दाल्गाद तरणाटो पुरस्कार – सियालिनी फर्नांडीस , बेर्ता मिनेझीस ओस्तोरी पुरस्कार – एनी फर्नांडीस.
पुरस्कार वाटप सुवाळो शेनवार १६ डिसेंबराक सांजवेळा ३.३० वरांचेर मडगांवच्या रवीन्द्र भवनांत जातलो. मुखेल सोयरे म्हणुन एनआरआय कमीशनर आदले खासदार नरेंद्र सावयकार हाजीर रावतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
