भांगरभूंय | प्रतिनिधी
पणजी: कला अकादमी वतीन आयोजीत केल्ल्या पं. मनोहरबुवा शिरगांवकर स्मृती विभागीय दादलो कलाकार भजन सर्तीच्या केंद्र क्र.4 वेलो निकाल जाहीर जालो. हातूंत श्री भगवती चिंबलकरीण भजनी मंडळ, चिंबल-तिसवाडी हांकां पयलें इनाम फावो जालें. जाल्यार श्री शांतादुर्गा तळावलीकरीण भ. मं., गुजराभाट, ताळगांव-तिसवाडी हांकां दुसरें इनाम फावो जालें. हे दोनूय पंगड राज्य पांवड्यावेले सर्ती खातीर पात्र थारल्यात.
ह्या केंद्राचेर तिसरें इनाम ॐ शिवशंभो संगीत विद्यालय, मेरशी-तिसवाडी हांकां जाहीर केलें. जाल्यार उमेदवाडोवपी इनाम स्वर शारदा, चिंबल-तिसवाडी, सिध्दीविनायक कला संघ, दिवाडे-तिसवाडी आनी स्वर सिध्दी सांस्कृतीक भजनी मंडळ, खोर्ले तिसवाडी हांकां फावो जालीं. उत्कृश्ठ गायनाचें इनाम (पयलो अभंग) तुकाराम उर्फ रविंद्र रंगनाथ च्यारी (स्वर शारदा, चिंबल-तिसवाडे) हांकां फावो जालें. उत्कृष्ट गायनाचें इनाम (दुसरो अभंग) शशिकांत पाळणी (तीन सप्तक कला केंद्र, हळदोणा बार्देश) हांकां भेटयलें. तुकाराम साळकार (श्री साई भक्ती भजनी मंडळ, साईनगर, हळदोणा-बार्देस) हांकां उत्कृश्ठ गवळण/भारुडगायना खातीर इनाम फावो जालें. तशेंच उत्कृश्ठ पखवाजसाथीच्या इनामा खातीर स्वप्नील एकनाथ भोमकार (सिध्दीविनायक कला संघ, दिवाडे-तिसवाडे) हांची नियुक्ती जाली. हरीदास जल्मी (स्वर सिध्दी सांस्कृतीक भजनी मंडळ, खोर्ली-तिसवाडे) हांकां पेटये खातीर इनाम मेळ्ळें. ह्या केंद्राचेर सर्वश्री अनिल कोंडुरकार, विठ्ठल गांवस आनी दत्तु गांवस हांणी परिक्षण केलें.
ह्या केंद्राचें आयोजन श्री महागणपती भवानी शंकर बांदेश्वर ब्राम्हण महिषासुरमर्दिनी संस्था, माडेल, थिवी-बार्देस हांच्या सहकार्याने केल्लें.
मजगतीं, केंद्र क्र 5चेर श्री शंकरनाथ भ. म. चरावणे-रात्तरी हांकां पयलें जाल्यार श्री रामपुरुष आदिनाथ भजनी मंडळ, उसगांव फोंडें हांकां दुसरें इनाम फावो जालें. हे दोनूय पंगड राज्य पांवड्यावेले सर्ती खातीर पात्र थारल्यात.
ह्या केंद्रावेलें तिसरें इनाम श्री साई सातेरी आजोबा भजनी मंडळ, घोटेली नं. 1, केरीसत्तरी हांकां जाहीर केलें. जाल्यार उमेद वडोवपी इनाम श्री सांतेरी केळबाय युवा भ. मं., गांवकरवाडो, होंडा-सत्तरी, श्री कुलदेवी सातेरी भजनी मंडळ, खोतोडे, वाळपय-सत्तरी आनी आजोबा कल्चरल असोसिएशन, केरी-सत्तरी हांकां मेळ्ळीं. उत्कृश्ठ गायनाचें इनाम (पयलो अभंग) ज्ञानेश्वर कृष्णा गावस (श्री शंकरनाथ भजनी मंडळ, चरावणे-सत्तरी) हांकां फावो जालें. उत्कृष्ट गायनाचें इनाम (दुसरो अभंग) वेदांत महादेव च्यारी (श्री रामपुरुष आदिनाथ भजनी मंडळ, उसगांवां-फोंडें) हांकां मेळ्ळें. सुदेश आमोणकार (श्री मल्लिकार्जून भजनी मंडळ, सुर्ला-दिवचल) हांकां उत्कृश्ठ गवळण/भारुडगायना खातीर इनाम फावो जालें. जाल्यार उत्कृश्ठ पखवाजसाथ इनामा खातीर बाळकृष्ण वासू गांवकार (श्री शंकरनाथ भजनी मंडळ, चरावणे-सत्तरी) हांकां वेंचून काडले. संतोष शिवा गांवस (आजोबा कल्चरल असोसिएशन, केरी-सत्तरी) हांकां उतकृश्ठ पेटये खातीर इनाम फावो जालें. ह्या केंद्राचेर मोहनदास पोळे, सहदेव पेडणेंकार आनी अॅड. अमोल थळी हांणी परीक्षणाची जापसालदारकी सांबाळ्ळी.
ह्या केंद्राचें आयोजन रवीन्द्र भवन, साखळे हांच्या सहकार्यान जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
