भांगरभूंय | प्रतिनिधी
भांगरभूंय । प्रतिनिधी
वास्कोः भाजपाच्या सामाजीक न्याय सप्तका खाला वास्कोचो आमदार दाजी साळकारान मेस्तवाडो, बेलाबाय आनी हेर कडच्या शेतकार भाव- भयणी कडेन संवाद सादून तांच्यो समस्या आयकल्यो. उपरांत तांच्या वागंडा ज्वारीच्या भाकरी- झुणकाचो सुवाद घेतलो.
साळकार पयलीं नगरसेवक आसतना ताणे ह्या वाठारांतल्या शेतकारांक बियाणे आनी हेर साहित्य दिल्लें. थंयची शेतां तिगची हे खातीर ताणे यत्न केल्ले. तरणाट्यांनी शेता कडेन लक्ष दिवचें हे खातीर ताणे यत्न केल्ले. हे खातीर शेतकारांची तेजी विशीं आपुलकी आसा. साळकार हाच्या वांगडा ताची घरकान्न नगरसेविका शमी साळकार, नगरसेवक दीपक नायक, गिरीश बोरकार, अमेय चोपडेकार, जिल्हो पंचायत वांगडी अनिता थोरात, जयंत जाधव, उमेश साळगांवकार आनी हेर कार्यकर्ते आशिल्ले.
शेतकारां खातीर आशिल्ल्या येवजण्यांचो लाब घेवपाचें आवाहन साळकारान केला. देशांतल्या दरेका शेतकाराक म्हयन्याक 500 रुपये मेळटात. मात ताची म्हायती चडश्या शेतकारांक ना. जाकां हे पयशे मेळनात तांची साळकारान वळेरी तयार केल्या.सगळे सोपस्कार पुराय जातगीर हे पयशे तांच्या बँक खात्यांत जमा जातले अशे ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.