भांगरभूंय | प्रतिनिधी
तुमी थंड पेयां पियेतात जाल्यार ही खबर आयकून तुमकां अजाप जातलें. तुमचे म्हायती खातीर दर दिसा थंड पेयां पियेवपाचें वेसन आसल्यार तुमकां गंभीर दुयेंस जावपाची शक्यताय आसा.
थंड पेय चड पियेल्यार वजन वाडूंक शकता. तातूंत फ्रुक्टोज चड प्रमाणांत फ्रुक्टोज कॉर्न सिरप आनी हेर तरेची साकर आसता. तातूंत पोशण न्हय तर कॅलरीज आसतात. चड कॅलरीज आसल्यार वजन वाडपाचो धोको वाडटा. हातूंत इतली साकर आसता ताचो परिणाम इन्सुलिनाचेरूय जाता.
थंड पेयांत आम्ल आनी साकर चड प्रमाणांत आसता, जाका लागून दांतांचेर हानीकारक परिणाम जावंक शकतात. आम्लांक लागून दांतांचें लुकसाण जावन पोकळी निर्माण जातात. तातूंतल्या आशिल्ले सोडाक लागून तोंडांत बॅक्टेरिया जावपाचो धोको वाडूंक शकता.
सोडांत फॉस्फोरिक आम्ल व्हडा प्रमाणांत आसता. हाका लागून कुडींत कॅल्शियमाचो उणाव जाणवता. सोडा चड पियेल्यार हाडां दुबळीं जावंक शकतात. थंड पेयांक लागून उच्च रक्तदाब, काळजाचें दुयेंस आनी वजन वाडपाचो धोको वाडटा. यकृत आनी पचनसंस्थेचे रोग जावपाचो धोको वाडटा. थंड पेयांत मेळपी साकर खाल्यार चरबीयुक्त यकृताचो धोको वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
