दर्शन मिशाळ म्हारगो खेळगडो

भांगरभूंय | प्रतिनिधी

गोंय क्रिकेट संघटनेच्या गोंय प्रिमीयर लीग क्रिकेट (जीपीएल) सर्ती खातीर जाल्ले क्रिकेट खेळगड्यांचे पावणेंत सगल्यांत म्हारगो खेळगडो गोंय रणजी पंगडाचो मुखेली अश्टतासांचो खेळगडो दर्शन मिशाळ थारलो. काल पर्वरी क्रिकेट अकादमीचेर खेळगड्यांची पावणी प्रक्रिया जाली. 1 मार्च सावन सुरू जावपी हे सर्तींत स पंगड वांटेकार जातले.

रणजी क्रिकेट सर्तींत 22 विकेटी आनी 436 परस चड धांवड्यो करपी दर्शन मिशाळाक आल्कॉन मडगांव क्रिकेट क्लबान 22600 पॉयण्टाचेर घेतलो. रणजी हंगामांत 238 धांवड्यो आनी 19 विकेटी घेवपी अश्टतासांचो खेळगडो मोहित रेडकार दुसरे सुवातेर उरलो. ताका चौगुले स्पोर्ट्स क्लबान 21000 पॉयण्टांचेर घेतलो. 17000 पॉयण्ट्सांनी तिसरे सुवातेर उरिल्लो ओपनर बॅट्समन इशान गडेकाराक जिनो क्रिकेट क्लबान सायन केलो. इशान गडेकारान चार मॅचींतल्यान 341 धांवड्यो केल्ल्यो.

दर्शन मिशाळाक आपल्या पंगडांत घेवपाक एमसीसी आनी धेंपो क्रिकेट क्लब हांचे मदीं जाल्यार मोहित रेडकारा खातीर धेंपो क्रिकेट क्लब आनी चौगुले स्पोर्ट्स क्लब हांचे मदीं जबरदस्त चुरस पळोवपाक मेळ्ळी.

ओपनर बॅट्समन मंथन खुटकाराक 16400 पॉयण्ट्साचेर धेंपो क्रिकेट क्लबान, लक्ष्य गर्गाक 16200 पॉयण्ट्सांनी धेंपो क्रिकेट क्लबान जाल्यार स्नेहल कवठणकाराक 15800 पॉयण्ट्साचेर पणजी जिमखानान घेतलो.

काल जाल्ले पावणी प्रक्रियेंत पणजी जिमखानाचें रॉबिन डिसौझा, गिरीष पारेख, इलियास नारू आनी टॅरेन्स मॉनिजान, एमसीसीचें व्यंकटेश देसाय, चिराग नायक आनी परेश पडियार, धेंपो क्रिकेट क्लबाचें नरेश पार्सेंकार, अनंत कामत, तन्मय मळकर्णेकार आनी अर्जुन देसायान, चौगुले खातीर सुभाष कंग्राळकार, सुनील कंग्राळकार, संकेत मोरजकार आनी सुनील नायकान, साळगांवकाराचें प्रदीप म्हांबरे, नीलेश तारी आनी आदित्य नायक जाल्यार जिनो क्रिकेट क्लबाचें बाळकृष्ण मिस्कीन, दिनेश राव, सुनील आजगांवकार आनी राहुल केणी हांणी प्रतिनिधित्व केलें.

धेंपो क्रिकेट क्लबः करण वसोदिया (10200 पॉयण्ट्स), लक्ष्य गर्ग (16200), मंथन खुटकार (16400), दीप कसवणकार (9000), विश्वंभर कॅहलोन (7800), वासू तिवारी (6200), सोहम पनवलकार (6000), साईश कामत आनी रोहन बोगाटी (6200), फरदीन खान (7200), यश पोरोब (5200), पुंडलीक नायक (5400), श्रेयश उसगांवकार (5000).

साळगांवकार क्रिकेट क्लबः दीपराज गांवकार (15800). विजेश प्रभुदेसाय (10400), अमोघ देसाय (14600), अमुल्य पांड्रेकार (11600), गौरीश कांबळी (8000), आयुष वेर्लेंकार (7600), अतुलकुमार यादव आनी आदित्य सुर्यवंशी (6000), लकमेश पावणे (6700), नमेश काणकोणकार (5000), देवनकुमार चित्तेम, यश कसवणकार आनी दिशांक मिस्कीन (5400).

चौगुले स्पोर्ट्स क्लबः फॅलिक्स आलेमांव (10400), कश्यप बखले (13200), समर दुभाषी (9400), मोहित रेडकार (21000), शिवम आमोणकार (8800), जगदीशकुमार पाटील (9000), शदाब खान, सचिन मिश्रा, सनिकेत पालकार दरेकी 6000), वर्धन मिस्कीन (5200), वीर यादव, ओंकार देशभंडारी, दर्पण पागी (दरेकी 5000).

आल्कोन मडगांव क्रिकेट क्लबः दर्शन मिशाळ (22600), प्रथमेश गांवस आनी हेरंब परब (दरेकी 9000), सुमीरन आमोणकार (10600), अमीत यादव (7600), किथ पिंटो (12200), दिगेश रायकार, पियुष यादव आनी वेदांत नायक (दरेकी 6000), शंतनू नेवगी (5800), रिजूल पाठक (5200), समर्थ राणे आनी दिपांशू शर्मा (दरेकी 5000).

पणजी जिमखानाः शुभम देसाय (10000), स्नेहल कवठणकार (15800), तुनीश सावकार (14000), राजशेखर हरिकांत (9000), ऋत्विक नायक (7200), मनीष पै काकोडे (8000), अविष्कार माने (6800), राहुल मेहता (8600), शुभम तारी (8400), आर्यन नार्वेंकार (7200), राजन सरोज, मेहांक धारवाडकार, प्रथमेश डोंगरे (दरेकी 5000).

जिनो स्पोर्ट्स क्लबः समीत आर्यन मिश्रा (10800), योगेश कवठणकार (11200), अमित यादव (14400), इशान गडेकार (17000), उदीत यादव, शिवेंद्र भुजबळ आनी आनंद तेंडुलकार (दरेकी 6000), देवदत्त चोडणकार (7000), कौशल हट्टंगडी (8800), सनथ नेवगी आनी ओमप्रकाश चौहान (दरेकी 6400), सागर वंटामुरी आनी शोएब शेख (दरेकी 5000).