भांगरभूंय | प्रतिनिधी
भांगरभूंय । प्रतिनिधी
कुडचडेंः कुडचड्याच्या दयानंद कला केंद्राची साबार बसका जन उत्कर्श सभाघरांत जावन मोर्तू नायक हांची अध्यक्ष म्हणून परत निवड केली. तीन वर्सां खातीर वेंचून काडिल्ले केंद्राच्या नवे कार्यकारी समितींत उपाध्यक्ष म्हणून सुभाष नायक आनी अशोक शं. नायक हांकां वेचून काडलें. सचीव म्हणून बंटी उडेलकार, सहाय्यक सचीव म्हणून नारायण नायक, भांडरी म्हणून नवीन खांडेकार, जोड भांडारी म्हणून डॉ प्रज्योत नायक हांका वेंचून काडलां.
ज्ञानेश्वर नायक, सौ. आनंदी नायक, सुधाकर नायक, अनिता नायक, भिकू नायक, मोहनदास देसाय, विश्वमाला नायक हांचो आसपाव सल्लागार मंडळांत केला. मनोहर नायक, राया देसाय, संतोष सावर्डेकार, केशव नायक, सदानंद खांडेकार हांका स्विकृत वांगडी म्हणून कार्यकारी मंडळांत घेतलां.
साबार वसकेंत सचीव बंटी उडेलकारान अहवाल सादर केलो. भांडारी नवीन खांडेकारान हिशेबाचो ताळेबंद सादर केलो. भाऊसायब बांदोडकर हांची 50वे पुण्यतीथ निमतान वर्स भर कार्यावळी आयोजीत करपाचें तशेंच केंद्राक 50 वर्सा पुराय जाल्ल्यान कला आनी संस्कृती खात्याचे येवजणे खाला भवन बांदपाचो प्रस्ताव बसकेंत मानून घेतलो. अंदूचो चंदेरी महोत्सवाचें आयोजन दोन सप्तकां करपाचें आनी गोंया भायले कलाकार आनी हस्त कलाकारांक हाडपाचें थारलें. बसकेंत हेर थाराव मानून घेतले.
नव्या कार्यकारी मंडळाची बसका शेनवार 27 ऑगस्टाक साजें 4-30 वरांचेर नगरपालिकेच्या नव्या हॉलांत जातली. तातूंत नव्या वांगड्यांक येवकार दितले. बांदकाम मंत्री नीलेश काब्राल आनी डॉ जेस्मीन ब्रागांझा ह्या वेळार हाजीर रावतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
