भांगरभूंय | प्रतिनिधी
पणजी, प्रतिनिधी : हवामानांतल्या बदलाक लागून राज्यात सांजे वेळार दमट वातावरण तयार जाला. दमट हवामान आनी आडवेळो पावस शेतीक घातक थारपाची शक्यताय आसा, अशे शेतकी संचालक नेविल आफोंसो हांणी सांगलें.
हवामान खात्यान 27 नोव्हेंबर मेरेन येलो अलर्ट जारी करतना पावसाचो अदमास उक्तायला. आतां मेरेन 9.10 इंच बिगर मोसमी पावसाची नोंद जाल्या. हें प्रमाण सरासरी परस चड आसा. फाटल्या सप्तकांत शुक्रारा सत्तरी म्हालांत मोटो पावस पडलो.
शेती तशेच बागायतीक आतां शियांची गरज आसा. शीं ना पावस पडलो जाल्यार ते भाजी तशेंच शेतांक घातक थारपाची शक्यताय आसा, अशे आफोंसो हांणी सांगलें.
दिवाळेक अंदूं शीं पडूंक ना. आता शीं पडपाचें सोडून दमट हवामान जाता. हाका लागून गर्मी वाडल्या. पावस चड पडलो जाल्यार शेतीचें लुकसाण जातलें, अशे आफोन्सो हांणी सांगलें.
मडगतीं, सांखळी, होंडा वाठारांत दनपरां पावस शिरशिरलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
