भांगरभूंय | प्रतिनिधी
पणजी, प्रतिनिधी ः थिये दुरुस्तीकाम आशिल्ल्यान फाल्यां आयतारा सकाळीं साडे स ते सांजवेळा साडेपांच मेरेन पेडणें, बार्देश आनी दिवचल तालुक्यांतल्या फक्त चड लायट वापरपी वेवसायीक आस्थापनांक सकाळीं साडेस ते सांजवेळा साडेपांच मेरेन लायट आसची ना. थिवी वीज उपकेंद्रांत दुरुस्ती करपाची आशिल्ल्यान लायट काडटले. सामान्य लोकांक लायट आसतली. करासवाडो उद्देगीक वसणूक, मोपा विमानतळ, अस्नोडें आनी चांदेल उदक शुद्धीकरण प्रकल्पां खातीर लायटीची पर्यायी वेवस्था केल्या अशें वीज खात्यान कळींत केलां.
विजेचे गुणात्मक बदल ट्रान्सफॉर्मरा वरवीं करतात. हाका लागून ट्रान्सफॉर्मरांत व्हड प्रमाणांत उश्णताय निर्माण जाता. ही उश्णताय नियंत्रीत करपा खातीर ट्रान्सफॉर्मरांत तेल भरतात. तेंच तेल बदलपाचें काम फाल्यां थिवी वीज उपकेंद्रात जातलें. थिवींत येवपी 220 किलोव्होल्ट (केव्ही) वीज 33 केव्हींत रुपांतरीत करपा खातीर वापरिल्ल्या पॉवर ट्रान्सफॉर्मरांतले तेल बदलतले. इतलेंच न्हय तर नवे अतिरिक्त केबलूय बसयतले. हें देखरेख दुरुस्तीचें काम योगीराज पॉवरटेक प्रा. लिमिटेड कंपनीक दिलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
