भांगरभूंय | प्रतिनिधी
जमीन दिवपाक आव्हान दिवपी याचिका भायर मारपी
पणजी : एमआयआयटी संस्थेक थिवी कोमुनिदादीन शिक्षण संस्था स्थापन करपाक जमीन दिवपाचो निर्णय योग्य सोपस्कार करून दिला. कायदेशीर सोपस्कार योग्य तरेन जाल्ल्याचें सांगून एमआयआयटीक जमीन दिवपाचे प्रक्रियेक आव्हान दिवपी याचिका उच्च न्यायालयान भायर मारल्या. हाका लागून थिये खाजगी विद्यापीठ स्थापन करपाच्या मार्गावेलें एक आडमेळें पयस जालां.
थिवी कोमुनिदादीन एमआयआयटी संस्थेक शिक्षणीक संस्था (खासगी विद्यापीठ) स्थापन करपा खातीर 2 लाख चौरस मीटर जमीन दिल्ली. ही जमीन 12.50 रूपया चौमि दरान दिल्ली. जमीन दितना योग्य सोपस्कार करूंक ना. तशेंच जमीन सवाय दरान दिल्ल्याचें सांगून कोमुनिदादीच्या 7 वांगड्यांनी उच्च न्यायालयांत आव्हान दिल्लें. उच्च न्यायालयान आव्हान याचिका आयज भायर मारली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
