भांगरभूंय | प्रतिनिधी
दर दिसा कोल्ड्रीक्स पियेतात? जाल्यार ही खबर आयकून तुमकां अजाप जातलें. तुमचे म्हायती खातीर दर दिसा कोल्ड्रिकां पियेवपाचें वेसन आसल्यार तुमकां गंभीर दुयेंस जावपाची शक्यताय आसा.
कोल्ड्रींक चड पियेल्यार वजन वाडूंक शकता. कोल्ड्रींकांत फ्रुक्टोज चड प्रमाणांत फ्रुक्टोज कॉर्न सिरप आनी हेर तरेची साकर आसता. तातूंत पोशण न्हय तर कॅलरीज आसतात. चड कॅलरीज आसल्यार वजन वाडपाचो धोको वाडटा. हातूंत इतली साकर आसता ताचो परिणाम इन्सुलिनाचेरूय जाता.
कोल्ड्रींकांत आम्ल आनी साकर चड प्रमाणांत आसता, जाका लागून दांतांचेर हानीकारक परिणाम जावंक शकतात. आम्लांक लागून दांतांचें लुकसाण जावन पोकळी निर्माण जातात. तातूंतल्या आशिल्ले सोडाक लागून तोंडांत बॅक्टेरिया जावपाचो धोको वाडूंक शकता.
सोडांत फॉस्फोरिक आम्ल व्हडा प्रमाणांत आसता. हाका लागून कुडींत कॅल्शियमाचो उणाव जाणवता. सोडा चड पियेल्यार हाडां दुबळीं जावंक शकतात. कोल्ड्रींकांक लागून उच्च रक्तदाब, काळजाचें दुयेंस आनी वजन वाडपाचो धोको वाडटा. कोल्ड्रींक पिल्यार यकृत आनी पचनसंस्थेचे रोग जावपाचो धोको वाडटा. थंड पेयांत मेळपी साकर खाल्यार चरबीयुक्त यकृताचो धोको वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
