भांगरभूंय | प्रतिनिधी
1.35 लाख रुपयांचें ‘एमडीएम ए’ जप्त
पणजी ः गोंय पुलीस गुन्यांव फाट्यान बादें -आसगांवच्या फिश पॉयंट बार लागसार धाड घालून इनाओ शायझा (41, मणिपूर) हाका अटक करुन ताचे कडल्यान 1.35 लाख रुपयांचें ‘एमडीएम ए’ जप्त केले.
गुन्यांव फांट्यान दिल्ले म्हायती प्रमाण, बार्रा लागसार ड्रग्स तस्कर येतले अशी म्हायती गुप्तहेरांनी दिल्ली. ते प्रमाण गुन्यांव फाट्याचे पुलीस अधीक्षक अक्षत कौशल आनी अधीक्षक सूरज हळर्णकार हांच्या मार्गदर्शना खाला निरिक्षक लक्षी आमोणकार, हवालदार इर्शाद वाटांगी, पुलीस हवालदार नवीन पालयेकार, कल्पेश शिरोडकार, कमलेश धारगळकार, महाबळेश्वर सावंत, राजेश शिरगांवकार आनी पंगडान मंगळारा रातीं वयल्या सुवातेर सांपळो रचलो. एक मनीस थंय आयलो तेन्ना पंगडान ताची चवकशी केली. दुबावितान आपली वळख इनाओ शायझा अशीं दिली. उपरांत ताची तपासणी केली तेन्ना एमडीएमए ड्रग्स मेळ्ळें. ह्या प्रकरणांत निरिक्षक आमोणकारान दुबावीत शायझाचेर गुन्यांव नोंद करून ताका अटक केली. म्हापश्यांच्या पयल्या वर्गाच्या न्यायालयांत ताका हाजीर केले न्यायालयान ताका पांच दिसांची पुलीस कोठडी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
