भांगरभूंय | प्रतिनिधी
भांगरभूंय । प्रतिनिधी
पणजीः उद्देजक आनी जिनो फार्मास्युटिकल्स कंपनीचे वेवस्थापकीय संचालक डॉ सागर साळगांवकार हांची असोसिएटेड चेंबर ऑफ कॉमर्स अॅण्ड इंडस्ट्री ऑफ इंडियाच्या (एसोचॅम) गोंय मंडळाचे को-चॅरमन म्हणून निवड केल्या. अॅसोचॅमच्या वरिश्ठ वेसस्थापनान ही निवड केल्या. एमबीबीएस आनी एमएस (ऑर्थो) आशिल्ल्या साळगांवकार हांच्या फुडारपणा खाला जिनो कंपनीन फार्मास्युटिकल्स मळार नामना मेळयल्या.
फार्मा उद्देग तज्ज्ञ म्हणून नामना आशिल्ले डॉ सागर साळगांवकार इस्टिलो मॉडेर्ना रियल्टी हे रियल इस्टेट कंपनीचेय वेवस्थापकीय संचालक आसात. जिनो स्पोर्ट्स क्लबा कडेन ते संबंदीत आसात. जिनो फावंडेशनाच्या सीएसआर माध्यमांतल्यान तांणी समाजा खातीर बरीच कामां केल्लीं आसात.
एसोचॅमच्या गोंय मंडळाचे को-चॅरमन म्हणून निवड केल्ले खातीर म्हाका सामकी खोस भोगता. गोंयांत आशिल्लो तरेकवार संदीचो लाब मेळोवपा खातीर हांव व्हडा उमेदीन वावुरतलों अशें आपले हे निवडी विशीं उलयतना डॉ सागर साळगांवकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
