भांगरभूंय | प्रतिनिधी
भांगरभूंय । प्रतिनिधी
फोंडेंः डिआजिओ इंडिया हे देशांतले आघाडेच्या ब्रेव्हरेज अल्कोहोल कंपनीन मंगळाराक बेतोडेंः फोंडें हागच्या तांच्या अत्याधुनीक क्राफ्ट अॅण्ड इनोव्हेशन हबांत उत्पादनाक सुरवात केली. राज्याचो उदकास्रोत मंत्री सुभाष शिरोडकार हांणी 45 कोटी रुपया गुंतवणुकीच्या ह्या हबाचें उक्तावण केलें. ह्या हबांत 250 थळाव्या तरण्यांक नोकरेची संध उपलब्द जाल्या.
चार एकरांत आशिल्ल्या ह्या क्राफ्ट अॅण्ड इनोव्हेशन हबांत मॉल्ड, जीन आनी रम उत्पादना खातीर डिस्टिलेशनची सुविधा, मॅच्युरेशना खातीर आनी ब्लेंडिगाची सुविधा आसा. क्रॉफ्ट मद्याची स्वचंलित बॉटलींग आनी ब्लेंडिगाची तांक आसा. म्हयन्याक 20 केसेस ह्या हबांत तयार करतले
ह्या हबांत डिस्टिलेशना खातीर 100 टक्के परत वापरपाक योग्य अशे उर्जेचो वापर करतले. 40 टक्क्यां परस चड कामा खातीर सौर पॅनल आनी वाफेच्या टर्बायनांतल्या कंपनीन तयार जावपी परत वापरपाक योग्य विजेचो वापर करतात. फाटल्या दोन वर्सांत हे डिस्टिलरींत वेगवेगळ्या प्रकाराचे जल संवर्धन, कामकाज पद्दतींत सुदारणा आनी फावो ती पदद्तीच्या माध्यमांतल्यान उदकाचो जाय तसो उपेग चल्ला.
सामाजीक बांदिलकीचे तत्वां प्रमाण डिआजिओ इंडियान गोंय सरकाराच्या कुशळताय उदरगत मोहिमे वांगडा रोजगारक्षम कुशळ प्रशिक्षण कार्यावळीची घोशणा केल्या. ह्या उपक्रमा खाला फुडल्या तीन वर्सांत 1 हजार थळाव्या तरणाट्यांक हॉस्पिटॅलिटी, पर्यटन आनी संबंदीत मळार रोजगार, आपरोजगारा खातीर फावो तें प्रशिक्षण दितले.
गोंयांत क्राप्टा खातीर व्हडली बाजारपेठ आसा. फायन स्पिरिटाचो अणभव घेवपी गिरायक देशांत आनी संवसारांत नेटना वाडट आसा. ती पुराय करपा खातीर गोंयांत क्राफ्ट अॅण्ड इनोव्हेशन हब सुरू करून एक पावल घातलां अशें डिआजिओ इंडियाची वेवस्थापकीय संचालिका आनी सीईओ हिना नागराजन हिणे सांगलें,
गोंयांतल्या एक हजार तरणाट्यांक कुशळताय येवजणे खाला रोजगारक्षम करपाचे कंपनीच्या उपक्रमाची उदकास्रोत मंत्री सुभाष शिरोडकार हांणी तोखणाय केली. कंपनीचें फाटल्या 52 वर्सां सावन गोंया कडेन उद्देगीक नातें आसा. गोंय सरकारा कडल्यान तांका अपेक्षीत तें सहकार्य मेळटलें अशें तांणी ह्या वेळार जाहीर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
