भांगरभूंय | प्रतिनिधी
भांगरभूंय । प्रतिनिधी
वाळपयः ठाणे बॉयज हांणी मंडळगिरो कोळगिरो मैदानार आयोजीत केल्ले फुटबॉल लीग सर्तीचें पर्येची आमदार आनी राना उदरगत म्हामंडळाची अध्यक्ष डॉ दिव्या राणे हिणें उक्तावण केले. हे सर्तींत वट्ट 9 पंगडांनी वांटो घेतला.
गांवगिऱ्या वाठारांतल्या भुरग्यांच्या खेळा कुशळतायेक वाव मेळपाक जाय जाल्यार थंय खेळां सर्ती जावपाची गरज आसा. ते खातीर सुसज्ज मैदानाची गरज आसा. गांवगिऱ्या वाठारांत मैदाना उबारपाक खातीर आपले परीन काम करपाचें आस्वासन दिव्या राणे हिणे सर्तीचें उक्तावण केल्या उपरांत सांगलें. ठाणेच्या मैदानार तरणाटे एकठांय येवंन सर्ती आयोजीत करतात ही एक सामकी बरी गजाल. व्यायाम जावचो हे खातीर भुरग्यांनी खेळपाक जाय अशें तिणे सांगलें.
ठाणे पंचायत सरपंच सरिता गांवकारान भुरग्यांनी फुडाकार घेतल्यार सर्ती आयोजीत करपाक पंचायवतीन सहकार्य करपाचें उतर दिलें. ह्या वेळार जिल्हो पंचायत वांगडी पांडुरंग गांवकार, देवस्थानाचो अध्यक्ष उत्तम गांवकार, सर्त आयोजन समितीचे फटगो गांवकार आनी हेर वांगडी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
