टाटाची नवी इलेक्ट्रीक गाडी बाजारांत

भांगरभूंय | प्रतिनिधी

टाटा मोटर्स कंपनीन नेक्सन ईव्ही मॅक्स इलेक्ट्रीक गाडी बाजारांत हाडल्या. ती एकाच चार्जाचेर 437 किमी मेरेन धांवपाक सक्षम आसा. ताचें सुरवातीचें एक्स शोरूम मोल 17.74 लाख रुपया थारायलां. नेक्सन ईव्ही मॅक्सांत फास्ट चार्जिंग आसतलें. 7.2 kW एसी फास्ट चार्जरा वरवीं 6.5 वरां भितर पुराय चार्ज करूं येता. वेपारी नदरेन वापरिल्ल्या 50 किलोवॅट डीसी चार्जरा वरवीं फकत 56 मिनटांनी 80 % मेरेन चार्ज जातलें. नेक्सन ईव्ही मॅक्सांत 40.5 किलोवॅट लिथियम आयन बॅटरी पॅक आसा. सद्याच्या टाटा नेक्सन ईव्ही परस ही बॅटरी क्षमता 33% चड आसा
ह्या वाहनांतल्यान चडांत चड 143 पीएस शक्त मेळटा. ते भायर 250 एनएम झटपट टॉर्क मेळटा. ही गाडी फकत 9 सेकंदां भितर 0- 100 किमी, तशेंच टॉप- स्पीड वराक 140 किमी आसतली.
कंपनीन ही गाडी XZ + आनी XZ + Lux ह्या दोन वेरिएंटांनी बाजारांत हाडल्या. त्याच वेळार तातूंत दोन चार्जिंग पर्याय आसतले. ह्या ईव्हीची एक्स शोरूम किंमत 17.74 लाख रुपया सावन सुरू जातली आनी 19.24 लाख रुपया मेरेन वतली. तातूंत 30 नवी खाशेलपणां आसात. लेदररेट व्हेंटिलेटेड सीट, ज्वेलरी कंट्रोल नॉब, वायरलेस चार्जिंग, ऑटो डिमिंग आयआरव्हीएम, स्मार्ट वॉच इंटीग्रेशन आनी एअर प्युरिफायर हांचो तातूंत आस्पाव आसा.