भांगरभूंय | प्रतिनिधी
नवी दिल्ली, खबरां संस्था: म्हालगडे सनदी अधिकारी ज्ञानेश कुमार हांची देशाच्या मुखेल वेंचणूक आयुक्तपदार निवड केल्या. सध्याचे मुखेल वेंचणूक आयुक्त राजीव कुमार हांचे कडल्यान १९ फेब्रुवारीक ते पदभार स्विकारतले. पंतप्रधान नरेंद्र मोदी हांचे अध्यक्षते खाला तीन वांगड्यांचे निवड समितीन ज्ञानेश कुमार हांच्या नांवाक मंजुरी दिली. उपरांत विधी अनी न्याय मंत्रालया वतीन आदेश काडलो. ज्ञानेश कुमार हांचो कार्यकाळ २६ जानेवारी २०२९ मेरेन आसतो.
देशाचे २६ वे वेंचणूक आयुक्त म्हणून ज्ञानेश कुमार ह्या वर्साच्या निमाणे कडेन बिहार विधानसभा वेंचणूक आनी २०२६ वसार केरळ आनी पद्दुचेरी हांगच्या विधानसभा वेंचणुकांचेर देखरेख दवरतले. अंदूं तमिळनाडू आनी अस्तंत बंगाल ह्या दोन म्हतवाच्या राज्यांनीय विधानसभा वेंचणुको जातल्यो.
कोण हे राजीव कुमार?
१९८८ च्या बॅचचे केरळ केडरचे आयईएस अधिकारी आशिल्ले ज्ञानेश कुमार हांचो जल्म २७ जानेवारी १९६४ दिसा उत्तर प्रदेशाच्या आग्रा शारांत जालो. वाराणसीच्या क्विन्स महाविद्यालय आनी लखनौच्या काल्विन तालुकेदार महाविद्यालयांतल्यान तांणी शिक्षण घेतलें. उपरांत आयआयटी कानपूरच्यान तांणी सिव्हिल इंजिनिअरिंगांत बीटेक केलें. आयएएस म्हणून निवड जाले उपरांत ते केरळाच्या एर्नाकुलमांत सहाय्यक जिल्लोधिकारी म्हणून रुजू जाले. उपरांत तांणी केरळांत विवीध पदांचेर काम केलें.
राम मंदिर निर्माण समितीचेर काम केलें
केंद्रीय गृहमंत्री अमित शाह हांणी जम्मू आनी काश्मीरांतलें कलम ३७० काडून उडयलें. ह्या विधेयकाचो मसुदो तयार करपाक ज्ञानेश कुमार हांणी म्हत्त्वाची भुमिका केली. तेन्ना ते गृह मंत्रालयांत जोड सचीव म्हणून काम करताले. अयोध्येंतले राम मंदीर निर्माण समितीचेय ते वांगडी आशिल्ले. तशेंच राम मंदिरांतल्या प्रभू श्रीराम हांच्या बाल रुपांतले मुर्तीची निवड करपाच्या मंडळांतूय ताचो आसपाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
