भांगरभूंय | प्रतिनिधी
जैसलमेर-जोधपूर, खबरां संस्था: जैसलमेरच्या जैसलमेर-जोधपूर महामार्गार काल 57 प्रवाशांक घेवन वचपी एसी स्लीपर बसीक उजो लागलो. हे घडणुकेंत 20 जाणांक मरण आयलें. जाल्यार 16 जाण गंभीर जखमी जाल्यात. हातुंतल्या खुबश्या प्रवाशांनी जीव वाटावपा खातीर बसींतल्यान उडी मारली. उज्यांत लासून गोबोर जाल्ली बस सुमार 50 मिटर मेरेन मुखार गेल्ली. ह्या रत्यावेल्यान वचप्यांनी रोखडेच उदकाचे टँकर आपयले आनी मजतकार्य सुरू केलें.
रस्त्यान वचप्यांचे मजतीन जखमींक बसींतल्यान भायर काडले आनी जैसलमेरच्या जवाहर हॉस्पिटलांत व्हेले. हे बसींत प्रवास करपी कांय जाण दिवाळे खातीर घरा वताले. जाल्यार कांय जाण जोधपूर वताले. मरण आयिल्ल्या 20 जाणांची वळख पटपा खातीर डीएनए सॅम्पलिंग सुरू जालां. जोधपुरच्या महात्मा गांधी हॉस्पिटल आनी जैसलमेरच्या जवाहर हॉस्पिटलांत ताची वेवस्था केल्या.
मरण आयिल्ल्या मदीं नामनेचे पत्रकार राजेंद्र चौहान हांचोय आसपाव आसा. ह्या अपघातांत एकाच कुटुंबांतले 5 जाण लासल्यात. तर पंदरा जाण 70 टक्क्यां मेरेन लासल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
