भांगरभूंय | प्रतिनिधी
पर्यटन भवना मुखार पर्यावरणमोगी, काँग्रेस कार्यकर्त्यांची निदर्शनां
भांगरभूंय I प्रतिनिधी
पणजी : पर्यटन खात्यान जारी केल्ल्या जेटी धोरणाक विवीध संघटणांनी विरोध केला. शुक्रारा पर्यटन भवना मुखार काँग्रेस कार्यकर्ते तशेंच रापणकारांचो एकवोट अशा जायत्या बिगर सरकारी संघटणांनी एकठांय येवन जेटी धोरण रद्द करपाची मागणी केल्या. ह्या धोरणाक आमचो कायम विरोध आसतलो, अशें ह्या वेळार संघटणांनी सांगलें.
आमची संस्कृती, परंपरीक वेवसाय तशेंच गोंयच्यो न्हंयो नश्ट करपाकूच सरकार जेटी धोरण हाडपाक सोदता. उद्देगपतीं खातीर हें जेटी धोरण तशेंच विवीध प्रकल्प हाडटात. लोकांक विस्वासांत घेनासतना पर्यटन खात्यान हें जेटी धोरण हाडिल्लें आसून आमी पर्यटन खात्याचो निशेध करतात. सगल्या विरोधी आमदारांचो ह्या जेटी धोरणाक विरोध आसतलो, अशें काँग्रेसचे आमदार युरी आलेमांव हांणी सांगलें.
गोंयांतली खाजन शेती, बागायती तशेंच परंपरीक रापणकारांचो नुस्तें वेवसाय नश्ट करपाक हें जेटी धोरण पर्यटन खात्यान हाडलां. गोंयांतले परंपरीक वेवसाय ह्या धोरणान नश्ट जातले. आमचे फुडले पिळगेक हाचो फटको बसतलो. जेटी धोरण अायल्यार रापोणकारांक नुस्तें मेळप उणें जातलें. सरकारान आदीं लोकांचो विचार करचो, अशें पर्यावरण कार्यकर्ते अभिजीत प्रभुदेसाय हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
