भांगरभूंय | प्रतिनिधी
करंझाळे बालउद्याना खातीर 1 कोटी मंजूर
भांगरभूंय I प्रतिनिधी
पणजीः मार्च म्हयन्यांत गोंयांत जी-20च्यो बसका जावपाच्यो आसात. वट्ट 8 बसका जातल्यो. हे फाटभुंयेर राजधानी पणजेंतलीं स्मार्ट सिटीचीं कामां 15 मार्च मेरेन थांबोवची पडटली. ताका लागून स्मार्ट सिटीचीं कामां नोव्हेंबर मेरेन लांबणेर पडटलीं, अशी म्हायती पणजी म्हानगरपालिकेचे म्हापौर रोहीत मोंसेरात हांणी दिली.
पालिकेच्या नगरसेवका वांगडा जाल्ले बसके उपरांत ते पत्रकारां कडेन उलयताले. हे बसकेंत उदरगतीच्या कामांचेर चर्चा जाली. करंझाळे बालउद्यानाच्या पुननिर्मिती खातीर पालिके कडल्यान 1 कोटी परस चड निधी मंजूर जाला, अशें म्हापौर मोंसेरात हांणी सांगलें.
तशेंच कामराभाटांत सर्वेक्षण करून थंयच्या समस्येचेर उपाय काडपाचो विशय बसकेंत जालो. पणजे कॅसिनो कुशीच्या रस्त्याचेर येरादारीची कोंयडी जाता. थंय येरादारी पुलीस नेमतले. कार्नावाल आनी शिगमोत्सव तशेंच जी-20चे फाटभुंयेर म्हत्वाच्या रस्त्यांचें डांबरीकरण करतले. तशेंच कला अकादमी लागसारच्या उद्याना विशीं सध्या फटीच्यो वावड्यो पातळायतात. थंय चुकीचे प्रकार घडत आसत जाल्यार ताचेर कारवाय जातली, अशें म्हापौर मोंसेरात हांणी
सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
