भांगरभूंय | प्रतिनिधी
पणजी, प्रतिनिधी : जिल्हो पंचायत अध्यक्ष, उपाध्यक्ष तशेच वांगड्यांचो पगार २ हजार रूपयांनी वाडपाचो आसा. पगार वाडोपाची तजवीज आशिल्ले जिल्हो पंचायत पगार दुरूस्ती विधेयक अधिवेशनात येवपाचे आसा. ह्या दुरूस्ती विधेयकाक मंत्रिमंडळान मान्यताय दिल्या.
पगार वाडी उपरांत जिल्हो पंचायत अध्यक्षांचो पगार २० हजार रूपया, उपाध्यक्षांचो पगार १८ हजार ५०० रूपया जाल्यार जिल्हो पंचायत वांगड्यांचो पगार १७ हजार रूपया जातलो. अध्यक्ष, उपाध्यक्ष तशेच वांगड्यांचो पगार वाडोवपाचो अशी मागणी करपी थाराव दोन वर्सा पयली आमी सरकाराक धाडिल्लो. जिल्हो पंचायतीच्या सध्याच्या कार्यकाळात पगार वाडूंक ना. पगार ४० हजार रूपया मेरेन वाडोवचो अशी मागणी आशिल्ली, अशी म्हायती उत्तर गोंय जिल्हो पंचायतीचे अध्यक्ष सिध्देश नायक हांणी दिली. फांटल्या सप्तकांत उत्तर गोंय तशेंच दक्षीण गोंय जिल्हो पंचायत अध्यक्षांनी पदाचो राजीनामो दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
