भांगरभूंय | प्रतिनिधी
भांगरभूंय । खबरां मेज
पणजीः जिओ मोबायल नेटवर्कान गोंयात 5 जी मोबायल सेवा सुरू करपाचो पयलो मान मेळयलो. पणजे शारा सयत देशांतल्या 17 राज्यांतल्या 50 शारांनी एकाच दिसा जिओन ही सेवा सुरू करून एके तरेचो संवसारीक विक्रम केलो. जिओन वेलकम ऑफरी सयद ही सेवा सुरू केल्या. ते खातीर ही सेवा घेतल्याक अतिरिक्त खर्चा बगर 1 जीवीपीएस फाश्ट अमर्यादीत डेटा मेळटलो.
पणजे शारांत जिओची 5 जी सेवा सुरू करतना आमकां सामकी खोस भोगता. ही सेवा सुरू करपी आमी पयले ऑपरेटर आसात अशें जिओच्या म्हणयाऱ्यान सेवा सुरू केल्या उपरांत सांगलें. जिओ 5 जी वायरलेस नेटवर्का सयत पणजी आनी गोंयांतल्या लोकांक प्रगत भलयाकी सेवा मळाचो फायदो जातलो. कृशी, शिक्षण ई-गव्हर्नस, आयटी, एसएमई, ऑटोमेशन, आर्टिफिशियल इंटेलिजन्स, गेमीक आनी हेर मळांतले जायते फायदे मेळटले. गोंय डिजिटल करपा खातीर आमकां तेंको दिल्ले खातीर गोंय सरकाराचे आमी उपकारी आसात अशे तांणे सांगलें.
जिओ टू 5जी सेवा मेळोवपा खातीर गिरायकाक तांचे सीम कार्ड बदलपाची गरज ना. ताकां जिओ 5जी नेटवर्स सुसगत 5जी हँडसेट रावपाच्या-कामाचे सुवातेर 5जी नेटवर्स उपलब्दता तशेंच प्रीपेड आनी पोस्टपेड गिरायकां खातीर 239 वा जैच वैध सक्रिय येवजणेचेर आसपाची गरज आसा. ह्या निकशांची पूर्तताय केल्या उपरांत जिओ गिरायकांक जिओ वेलकम ऑफर मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
