भांगरभूंय | प्रतिनिधी
भांगरभूंय । प्रतिनिधी
वाळपयः केरी-सत्तरी हांगची तरणाटी लोक कलाकार जानकी रघुनाथ परब हिच्या गोंयांतलीं लोक गितां ह्या पुस्तकाचें प्रकाशन कुंडय तपोभूमीचे पिठाधीश स्वामी ब्रम्हेशानंत स्वामीचे हस्तुकीं हालींच प्रकाश जालें. कुंडय तपोभूमीत जाल्ले हे कार्यावळीक लोक कलाकार सुभद्रा गांवस, रघुनाथ परब, रामा टेमकार, दर्शन नार्वेकार, संजय कळंगुटकार आनी राजेश दळवी हाजीर आशिल्ले.
पुस्तकाच्या माध्यमांतल्यान लोक कला फुडले पिळगे मेरेन पावोवपाक मजत जातली. लोक कलेंतल्या वावरा खातीर स्वामीन जानकी परब हिची तोखणाय केली. आपली आवय सुभद्रा गांवस हिच्या मार्गदर्शना खाला जानकी परब फाटलीं वीस वर्सा लोक कलेच्या मळार काम करता, गोंय तशेंच हेर ऱाज्यांनी ताणे लोक कलाचें सादरीकरण केला. महिला मंडळाच्या माध्यमांतल्यान राज्य पांवड्या वयली फुगडी, धालो सर्तींतनी ताका जायती इनामां फावो जाल्यां. कला आनी संस्कृती खात्याचो सृजन आनी पश्चीम क्षेत्र सांस्कृतीक केंद्राचो नक्षत्र पुरस्कार ताका मेळ्ळा.
जानकी परबान संकलन केल्ल्या लोकगीत पुस्तकांत पाळणा गितां, अंगाई गितां, आट्यावरील गितां, लग्न गितां. फुगडी, दावलीमाण, दुवाळो गितां आनी जात्या वयल्यो ओव्या हाचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
