भांगरभूंय | प्रतिनिधी
आंतोनिओ कार्व्हालोन पुलिशेंत केली कागाळ
मडगांव, प्रतिनिधी ः जाती विशीं विधान केल्ल्यान श्रेया धारगळकार हांचे आड आंतोनिओ कार्व्हालो हांणी मायणा कुडतरी पुलिशेंत कागाळ केल्ली. ह्या प्रकरणांत श्रेया हांचे आड अॅट्रोसिटी कायद्या खाला गुन्यांव नोंद केला.
मेळिल्ले म्हायती प्रमाण, श्रेया धारगळकार ही नुवेंचे आमदार आलेक्स सिक्वेरा हांच्या कार्यालयांत आपलो मोबायल विसरून गेल्ली. तो मोबायल आंतानिओ हांणी तांकां व्हरुन दिलो. कुडतरकार कंट्री बिल्डिंग लागसार श्रेया हांचो मोबायल दिवपाक आंतानिओ गेल्ले तेन्ना श्रेया हांणी आपणा आड जाती विशीं आक्षेपार्ह विधान केलें अशी कागाळ आंतानिओ हांणी केल्या. मायणा कुडतरी पुलिसांनी हे कागाळीच्या आदाराचेर श्रेया धारगळकार उर्फ परेरा हांचे आड अॅट्रॉसिटी कायद्या खाला गुन्यांव नोंद केला. फुडली चवकशी चालू आसा अशें पुलीस निरिक्षक अरुण देसाय हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
