भांगरभूंय | प्रतिनिधी
भारतान संवसारीक टी-20 सर्ती उपरांत कांय दिसां भितर न्युझिलॅण्डाची भोंवडी केली. ते उपरांत आतां टीम इंडिया बांगलादेशाचे भोंवडेर आसा. हे भोंवडेर तीन वन डे आनी दोन टॅस्टींची माळ खेळटलो. हे भोंवडे अजून मेरेन फक्त दोनूच वन डे मॅची जाता थंय आसात, बीसीसीआयन आनीक तीन माळांची कार्यावळ जाहीर केली. संवसारीक टी-20 सर्तींत भारताक दुखापतीचो मोठो धपको बशिल्लो. ते उपरांत आतां बांगलादेशाचे भोंवडेर मुखेली रोहित शर्मा, ऋषभ पंत, मोहम्मद शमी, दीपक चाहर, कुलदीप सेन हे खेळगडे जखमी जाल्यात.
दुखापतीन बेजार आशिल्ल्या टीम इंडियाक नव्या वर्सांत लेगीत फूल बॅक शेड्युलाक मुखार वच्चें पडटलें. श्रीलंका, न्युझिलॅण्ड आनी ऑस्ट्रेलिया ह्या देशाचे पंगड भारत भोंवडेर येवपाचे आसात.
ह्या देशांचे कार्यावळींची घोशणा बीसीसीआयन केली.
श्रीलंका आनी न्युझिलॅण्ड हे पंगड जानेवारी आनी फेब्रुवारी म्हयन्यांत वन डे, टी-20 माळो खेळटले. जाल्यार ऑस्ट्रेलिया पंगड फेब्रुवारी ते मार्च ह्या कालावधीत भारता आड टॅस्ट आनी वन डे माळ खेळटलो.
भारत आड श्रीलंकाः 3 जानेवारी-पयली टी-20, मुंबय, 5 जानेवारी-दुसरी टी-20, पुणे, 7 जानेवारी-तिसरी टी-20, राजकोट,
वन डे माळः 10 जानेवारी-पयली वन डे, गुवाहाटी, 12 जानेवारी-दुसरी वन डे, कोलकाता, 15 जानेवारी-तिसरी वन डे, त्रिवेंद्रम.
भारत आड न्युझिलॅण्डः 18 जानेवारी-पयली वन डे, हैदराबाद, 21 जानेवारी-दुसरी वन डे, रायपूर, 24 जानेवारी-तिसरी वन डे, इंदौर.
टी-20 माळः 27 जानेवारी-पयली टी-20, रांची, 29 जानेवारी-दुसरी टी-20, लखनौ, 1 फेब्रुवारी-तिसरी टी-20, अहमदाबाद.
भारत आड ऑस्ट्रेलिया
टॅस्ट माळः 9 ते 13 फेब्रुवारी-पयली टॅस्, नागपूर, 17 ते 21 फेब्रुवारी-दुसरी टॅस्ट, दिल्ली, 1 ते 5 मार्च-तिसरी टॅस्ट, धर्मशाला, 9 ते 13 मार्च-चवथी टॅस्ट, अहमदाबाद.
वन डे माळः 17 मार्च-पयली वन डे, मुंबय, 19 मार्च-दुसरी वन डे, विझॅक, 22 मार्च-तिसरी वन डे, चेन्नय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
