भांगरभूंय | प्रतिनिधी
पणजी : चोडण ते रायबंंदर ह्या गर्देच्या मार्गार रो रो फेरी सेवा सुरू करपाचो प्रस्ताव आसा. लोकांंक बरी सेवा दिवपा खातीर हो प्रस्ताव सरकाराक सादर जातलो, अशें आमदार प्रेमेंद शेट हांंणी सांंगलें.
चोडण ते रायबंंदर ह्या मार्गार पांच फेरीबोटी चलतात. ह्या फेरीबोटींंचेर सदांच गर्दी आसता. एखादी दुसरी फेरीबोट नादुरुस्त जाली जाल्यार लोकांंची गैरसोय जाता. ह्या मार्गा वेल्यो फेरीबोटी पोरण्यो जाल्यात. खूबशे खेपे त्यो नादुरुस्त जातात. हाचेर उपाय म्हूण ह्या मार्गार रो रो फेरीसेवा घालची असो प्रस्ताव सादर जातलो. सध्या आसात त्यो फेरीबोटी बऱ्योच ल्हवू चलतात.
हेर मार्गांचेर लेगीत रो रो फेरीबोटी घालपाचो विचार आसा अशें न्हंंय येरादारी मंंत्री सुभाष फळदेसाय हांंणी सांंगलें. मंंत्री सुभाष फळदेसाय, आमदार प्रेमेंद शेट आनी आमदार जीत आरोलकार हांंणी हालींच कोची हांंगा शिपयार्डाक भेट दिली. ह्या शिपयार्डांत तांंणी रो रो फेरीबोटींंची पळोवणी केली. रो रो फेरीबोटी ह्यो गोयांं खातीर पुरक थारतल्यो, अशें आमकां पळयले उपरांंत दिसलें अशें सुभाष फळदेसाय हांंणी सांंगलें. कोची शिपयार्डांत नव्या तंंत्रज्ञानाच्या वापरान फेरीबोटीची बांंदणी जाता. गोंयांक आनीक फेरीबोटीची गरज आसा. येरादारी तशेंच पर्यटना खातीर आनीक फेरीबोटी जाय. रो रो फेरीबोटी हाडल्यो जाल्यार येरादारी सयत पर्यटना खातीर ताचो लाव जातलो. नौदळा खातीर विक्रांंत ह्या बोटीची बांंधणी कोची शिपयार्डांत जाल्या, अशें तांंणी सांंगलें.
सरकाराक अहवाल सादर करतले
कोची शिपयार्डांत ज्या तंंत्रज्ञानान फेरीबोटीची बांंधणी जाता ते विशीं सरकाराक आमी अहवाल सादर करतले. रो रो फेरीबोटी कोची शिपयार्डांतल्यान घेवच्यो असो प्रस्ताव आमी सादर करतले, अशें फळदेसाय हांंणी सांंगलें.
रो रो फेरीबोटी कशो आसतात आनी त्यो कशो चलतात, ताची पळोवणी आमी केल्या. अशे प्रकारच्यो फेरीबोटी गोंंयांत हाडपाक हरकत ना अशें आमदार जीत आरोलकार हांंणी सांंगलें.
चोडण-रायबंंदर सोडून मडकय-रासय, सुर्ला-वळवय, पोंंबुर्फें, सांंत इस्तेव, सारमानस-टोंंक ह्या मार्गाचेर फेरीबोटी चलतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
