भांगरभूंय | प्रतिनिधी
मडगांव, प्रतिनिधी ः चिपळूण – संगमेश्वर रस्तो विभाग 26 तारखेक सकाळीं 7:30 ते 10:30 मेरेन रूळाच्या आनी मडगांव जंक्शन – कुमठा विभागांत 11 ते 2 मेरेन रूळाच्या देखरेखीच्या कामा खातीर तीन वरां मेगाब्लॉक आसतलो. हाचो परिणाम पांच रेलगाडयांच्या वेळाचेर जातलो.
क्र. 01139 नागपूर – मडगांव ह्या गाडयेचो 25 तारखेक सुरु जावपी प्रवास कोलाड – चिपळूण विभागां मदीं 100 मिनटां नियमीत करतले. गाडी क्र. 12051 मुंबय सीएसएमटी मडगांव मेरेन चलपी जनशताब्दी एक्सप्रेसाचो प्रवास कोलाड- चिपळूण विभागा मदीं 40 मिनटां खातीर नियमित करतले. गाडी क्र. 16346 तिरुवनंतपुरम सेंट्रल – लोकमान्य टिळक (टी) नेत्रावती एक्स्प्रेसचो प्रवास 25 ऑक्टोबराक रत्नागिरी – संगमेश्वर रस्तो विभागा मदीं 40 मिनटां खातीर नियमित करतले.
26 ऑक्टोबराक सकाळीं 11 ते दनपारां 2 मेरेन मडगांव – कुमठा विभागा मदीं देखरेखीच्या कामा खातीर मेगाब्लॉक आसतलो. क्र. 06602 मंगळूरू सेंट्रल – मडगांव 26 तारखेक सुरू जावपी प्रवास कुमठा स्टेशनाचेर थांबयतले. कुमठा ते मडगांव हांचे मदीं ही गाडी अंशतः रद्द जातली. गाडी क्र. 06601 मडगांव ते मंगळूरू वचपी गाडी वेळापत्रका प्रमाण कुमठा स्टेशना वयल्यान सुटतली. पूण मडगांव सावन कुमठा मेरेनचो प्रवास रद्द जातलो. प्रवाशांनी हाची दखल घेवची. चड म्हायती खातीर रेल्वे प्रशासनाक फोन करचो, असो उलो कोंकण रेल्वे प्रशासनान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
