भांगरभूंय | प्रतिनिधी
भांगरभूंय । प्रतिनिधी
पोरणे गोंयः चिंबल जंक्शना कडेन फ्लायओव्हर बांदपाच्या कामाची निविदा काडून कंत्राटदाराक काम सुरू करपाचो आदेश दिला अशी म्हायती बांदकाम मंत्री नीलेश काब्राल हांणी दिल्या. फ्लायओव्हराचें काम बेगोबेग सुरू केलें ना जाल्यार रस्तो आडावपाची शिटकावणी चिंबलकारांनी मेणवात निदर्शना वेळार दिल्ली. हालींच एका थळाव्याक जंक्शना कडेन जाल्ल्या अपघातांत मरण आयले उपरांत थळावे लोक आक्रमक जाल्ले.
दोन टप्प्यांत फ्लायओव्हराचें काम करतले. सध्या थंय आशिल्ल्या खांब्यांचेर दोन पदरी ओव्हर ब्रीज बांदतले. ते उपरांत सर्व्हिस रस्त्यार फ्लायओव्हर बांदतले. ते खातीर बार चार्ट तयार करपाक बांदकाम खात्याक सांगलां. काम केन्ना पुराय जातलें अशें विचारलें तेन्ना सगळें कितें बार चार्टाचेर निंबून आसा अशें काब्रालान सांगलें. ओव्हर ब्रीजाचे निवदा अटी प्रमाण कंत्राटदाराक 365 दीस दिल्यात. मात ताचे पयलीं काम पुराय जावपाक शकता अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
