भांगरभूंय | प्रतिनिधी
थंडेच्या दिसांनी थंडी, खोंकली, जोर अशीं जायतीं दुयेंसां जावपाचो धोको आसता. ह्या हंगामांत व्हायरल जोर ३ ते ४ दीस उरता. हाचे वांगडाच खोंकली आनी थंडी लेगीत खूब काळ उरता. जायत्या जाणांक ह्या हंगामांत सुकी खोंकली येवपाची समस्या आसता, ताचे खातीर ते वखदां वांगडा काडोय घेतात.
पूण चड वखदां घेतल्यार भलायकेचे जायते त्रास जावंक शकतात. तेच बरोबर खोंकली आनी थंडी सारकिल्ल्या समस्यांक तोंड दिवचें पडटा आनी यत्न करुन लेगीत तें बरें जायना जाल्यार तुमी घरांतच कफ सिरफ तयार करूं शकता. हाका लागून तुमकां कसलेंच लुकसाण जावचें ना.
घरगुती कफ सिरफ तयार करपाची पद्दत…
आलें – २ व्हडलें कुडके
पुदीना – अर्दो पेलो
म्होंव – ३ ते ४ चमचे
उदक – ४ ते ५ पेले
कफ सिरप तयार करपाक पयलीं कायलींत उदक, पुदीना आनी आलें घालून तें बरें उकडचें. हें मिश्रण अर्दे जायसर शिजोवचें. आतां हें मिश्रण एका आयदनांत गाळून थंड करपाक दवरचें. थंड जातकच आलें- पुदीनाच्या मिश्रणात म्होंव घालून बरें मिक्स करचें.
हे घरगुती कफ सिरप सांठोवन दवरपाक कंवचेचें आयदन वापरचें. हे कफ सिरप तुमी 2 ते 3 सप्तकां मेरेन दवरूं येता. हे कफ सिरफ दिसाक दोन फावटीं अशें एक चमचो पियेवंक शकतात. पूण जर हे कफ सिरफ भुरग्यांक दिवपाचे आसल्यार दिसाक एक चमचो दिवचे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
