भांगरभूंय | प्रतिनिधी
भांगरभूंय । प्रतिनिधी
पणजीः फ्रान्सिसवाडो- गोवा व्हेल्हा हांगा बंद आशिल्लें घर फोडून चोरांनी 14.85 लाख रुपया मोलाचे भांगराच्यो वस्ती फारायल्यो. आयतारा-सोमार मजगतीं ही चोरी जाली. आगशी पुलिसांनी अनवळखी चोरां आड गुन्यांव नोंद केला. आपल्या घऱांतले हे चोरयेची कागाळ मारिया फर्नांडीस हिणे केल्या.
आयतारा सांजे मारिया ही आपल्यो सोयऱ्यांगेर गेल्ली. सकाळी आयल्या उपरांत घराचें मुखेल दार फोडलां हें तिका दिसलें. तिणे पुलिसांक कळयल्या उपरांत तांणी घरांत प्रवेश केलो. घरांतल्यो स मुदी, एक हार, एक सरपळी, एक ब्रेसलेट आनी हेर दागिने चोरून व्हेल्यात हें दिसून आयलें. पुलिसांनी कुत्र्यांक हाडून चोरांचो माग काडपाचो यत्न केलो. पुलिसांनी सीसीटीव्ही फुटेज तपासपाक सुरवात केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
