भांगरभूंय | प्रतिनिधी
पणजी: गोवा ओपन इनोव्हेशन चॅलेंज २०२५ खातीरचे नोंदणींत व्हडा प्रमाणांत वाड जाल्या. भारत आनी संवसारभरच्या १५० परस चड अर्ज आयल्यात. गोंय सरकाराच्या म्हायती तंत्रज्ञान, इलेक्ट्रॉनिक्स आनी कम्युनिकेशन्स (डीआयटीईअँडसी) खात्यां खालच्या, स्टार्टअप आनी आयटी प्रमोशन सेला वरवीं उपक्रमाला स्टार्टअप संस्थापक, विद्यार्थी नवोन्मेषक, उद्देग फुडारी आनी सरकारी खात्यां कडल्यान हे परिस्थितींत आकर्शण मेळ्ळां.
ह्या आव्हानांक लागून सरकार आनी उद्देग भागीदारां वांगडा सरळ प्रात्यक्षीक संधींची दारां उक्तीं जाल्यांत. हातूंत वाटेकार जाल्ल्यांक आपल्या उपायांचो स्टरब जाणून घेवपाची आनी पर्यटन, कोयर वेवस्थापन, कृषी, गोंय भौशीक सेवा, नाबार्ड आनी उद्देग अश्या मळांचेर वास्तवीक-संवसारीक प्रभाव निर्माण करपाची संद मेळटली.
हे कार्यावळी खातीर अर्ज करपाची निमाणी तारीख २८ एप्रील आसा. गोवा ओपन इनोव्हेशन चॅलेंज २०२५ हें ३० मे २०२५ तारखेर जावपी निमाणे फेरये सयत नव्यो कल्पना तपासून पळोवपाची आनी तांचो स्तर मेजपाची एक आगळी वेगळी संद दिता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
