भांगरभूंय | प्रतिनिधी
गोवा इन्स्टिट्यूट ऑफ मॅनेजमेंटान हालींच ‘समृद्धी’ काऱ्यावळ आयोजीत केल्ली. जातूंत भारत @75, इंडस्ट्री 4.0, सस्टेनेबिलिटी, इंडिया 2.0, मेटाव्हर्स आनी मेडिकल हेल्थ अशें वेगवेगळ्या विशयांचेर सर्ती आयोजीत केल्ल्यो. फुडाराक एक बरो कॅप्टन घडोवप, हो ह्या कार्यावळीचो मुखेल हेतू आशिल्लो.
आयआयएम ए, आयआयएम बी, आयआयएम सी, एसआयबीएम पुणे, एससीएमएचआरडी, आयआयटी बरोबर नामनेच्या आंतरराष्ट्रीय आनी देशी संस्थां बरोबर 3600 परस चड लोकांनी हे कार्यावळी खातीर नोंदणी केली. तातूंत मेटावर्स वरवीं व्हिज्युअल, यूआय आनी यूएक्स डिझायनाचेर कार्यशाळा घडोवन हाडली.
ह्या वेळार सल्लागार आनी टाटा सन्सचे कार्यकारी उपाध्यक्ष सतीश प्रधान, द- पॉझिटिव्हिटी कंपनीचे सीईओ बीरेंदर अहलुवालिया, आयआयएमबीचे आर श्रीनिवासन, द डेक्सटरिटी ग्लोबल ग्रुपाचे सीईओ आनी संस्थापक शरद विवेक सागर, ग्लोबल बिझनेस स्कूल नेटवर्काचे सीयीओ डॉ डॅन लेक्लेअर हाजीर आसलें.
समृद्धी ही जीआयएमची वर्सुकी मुखेल आंतरराष्ट्रीय परिशद आसून भारतांतले हजारांनी विद्यार्थीं हातूंत वाटेकार जातात. भारतांतल्या नामनेचे बिझनेस स्कूल आनी हेर संस्थांचे विद्यार्थीं ह्या तीन दिसांच्या आंतरराष्ट्रीय कार्यावळींत वांटो घेतात. हे कार्यावळींतल्यान मुखेल वेवसायीक लोकां कडेन संबंद सादपाची संद मेळटा. हे कार्यावळींत 1 आंतरराष्ट्रीय, 6 राष्ट्रीय आनी 1 पदवी पातळे वयल्यो सर्ती आयोजीत केल्ल्यो. जैतिवंताक 5.5 लाख रुपयांचेx इनाम आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
