गोंयां सावन मुंबय स्लीपर कोच ट्रॅव्हल्स बशीक अपघात
भांगरभूंय | प्रतिनिधी
कोल्हापूर, प्रतिनिधी ः गोंय सावन मुंबय 25 प्रवाशांक घेवन वचपी व्हीआरएल कंपनीच्या स्लीपर कोच ट्रॅव्हल्स बशीक सुमार 2 वरांचेर कोल्हापूर लागसार भिरांकूळ अपघात जालो. हांतूत तीन प्रवाशांक मरण आयलें. नीलू गौतम (43), रिधिमा गौतम (17), सार्थक गौतम (13) अशीं मरण आयिल्ल्याची नांवा जावन आसात. ते तिगूय पुण्यां रावपी. मजगतीं, बशी सकयल 4 प्रवासी आडकून पडिल्ले. तांकां भायर काडले.
ही बस काल (22 तारखेक) सांजवेळा सुमार 8 वरांचेर 25 प्रवाशांक घेवन पणजेंतल्यान मुंबय वटेन वचपाक भायर सरली. कोल्हापूर -राधानगरी वाठारांत धोक्याच्या वलताचेर बस उमथली आनी हो अपघात जालो. ही म्हायती मेळटकच कोल्हापूर उजो पालोवपी दळ रोखडोच घडणूक सुवातेर पावलो आनी बचावकार्य सुरू केले. ही म्हायती कोल्हापूर उजो पालोवपी दळाचे मुखेल अधिकारी मनीष रणभिसे हांणी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
