गोंयांत 500 सेंद्रीय क्लस्टर: रवी नायक

भांगरभूंय | प्रतिनिधी

12,944 शेतकार जोडल्यात; सगल्यांत चड सत्तरींत

पणजी: गोंयांत कृशी खात्या खाला वट्ट 500 शेतींतलें सेंद्रीय क्लस्टर (पुंजुले) आसात. हातूंत वट्ट 12 हजार 944 शेतकार जोडल्यात अशी म्हायती कृशी मंत्री रवी नायक हांणी अतारांकीत प्रस्नाचे लेखी जापेंत दिल्या. आमदार विजय सरदेसाय हांणी गोंयांतल्या वट्ट सेंद्रीय क्लस्टर अनी तातूंत आशिल्ल्या शेतकारांची संख्या ह्या विशयाचेर लेखी प्रस्न विधानसभेंत मांडिल्लो.

ह्या सगल्या सेंद्रीय क्लस्टरा वतीन गोंयांत विवीध पिकांचें उत्पन्न घेतात. गोंयांत सगल्यांत चड सेंद्रीय क्लस्टर सत्तरी कृशी विभागांत नोंद आसा. सत्तरींत कृशी विभागांत वट्ट 65 सेंद्रीक क्लस्टर आसून तातूंत 1 हजार 404 शेतकार जोडल्यात. जाल्यार ह्या सेंद्रीय क्लस्टरा वरवीं सगल्यांत चड सुवात काजीच्या पिकान घेतल्या. गोंयांत सेंद्रीय क्लस्टरा वरवीं 4331.1 हॅक्टर सुवातेंत काजीचें उत्पादन घेतात.

सेंद्रीय क्लस्टा वतीन

घेतांत तीं शेतां हॅक्टरांत

सेंद्रीय क्लस्टर वतीन गोंयांत काजू 4331.1 हॅक्टर, नाल्ल 1973.4 हॅक्टर, सुपारी 966.2, भात 2824.8, केळी 39.3, आंबो 58.1, अणस 4.9, ऊस 1.4, पणस 0.06, मिरसांग 3.2, मसाल्याची लागवड 5.2, विवीध भाजयेची लागवड 126.4, कड्डन लागवड 348.4 अशा विवीध उत्पनांची शेती करतात.

कृशी विभाग : वट्ट सेंद्रीय क्लस्टर : वट्ट शेतकार

पेडणें : 60 : 1437

म्हापशें : 50 : 1959

दिवचल : 30 : 744

सांखळी : 10 : 292

सत्तरी : 65 : 1404

तिसवाडी : 15 : 516

फोंडें : 60 : 1401

धारबांदोडें : 30 : 920

मडगांव : 40 : 1350

केपें : 40 : 827

सांगें : 55 : 1147