भांगरभूंय | प्रतिनिधी
पणजी: गोंयांत वट्ट 13,258 सोऱ्याचीं दुकानां आसात. बार्देसांत सगल्यांत चड 4,498 जाल्यार सत्तरींत सगल्यांत उणीं 252 सोऱ्याचीं दुकानां आशिल्ल्याची म्हायती मुख्यमंत्री आनी अर्थ मंत्री डॉ. प्रमोद सावंत हांणी विधानसभेंत आमदार प्रवीण आर्लेंकार हांणी विचारिल्ल्या लेखी प्रस्नाचे जापेंतल्यान दिली.
आमदार प्रवीण आर्लेंकार हांणी प्रस्ना वरवीं गोंयांतल्या दरेक म्हालांत आतां मेरेन कितल्या सोऱ्याच्या दुकानांक परवाने दिल्यात. तशेंच खंयच्या प्रकारचे अशे प्रस्न विचारिल्ले. ते प्रमाण मुख्यमंत्री डॉ. प्रमोद सावंत हांणी आपले जापेंतल्यान हे विशींची सविस्तर आंकडेवारी सादर केल्या.
भारतीय बनावटीचो विदेशी सोरो तशेंच देशी सोऱ्याचे किरकोळ विक्रे खातीर 7,533, देशी सोऱ्याचे किरकोळ विक्रे खातीर 98, विदेशी सोऱ्याचे किरकोळ विक्रे खातीर 1,296, भारतीय बनावटीचो विदेशी सोरो तशेंच देशी सोरो पॅक बॉटली खातीर 2,754, विदेशी सोरो पॅक बॉटली खातीर 1,155, भारतीय बनावटीच्या विदेशी सोऱ्या खातीर (ठोक) 194, ठोक विदेशी सोऱ्याचीं 50, ठोक देशी सोर्या खातीर 77, डिस्टलरी खातीर 45, व्हायनरी खातीर 13, ब्रेवरी खातीर 5, मायक्रोब्रेवरी खातीर 3, देशी सोऱ्याची बॉटल युनिटा खातीर 34 अशे वट्ट 13,258 परवाने आतां मेरेन दिल्यात अशेंय मुख्यमंत्री डॉ. प्रमागेद सावंत हांणी जापेंत नमूद केलें.
सोऱ्याचीं दुकानां
पेडणें : 1,005
बार्देस : 4,498
दिवचल : 417
तिसवाडी : 1,538
सत्तरी : 252
फोंडें : 914
साश्ट : 2,463
मुरगांव : 732
केपें : 563
सांगें : 372
काणकोण : 504
वट्ट : 13,258
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
