भांगरभूंय | प्रतिनिधी
35 देशांच्या वांगड्यांचो आसपाव
पणजी: गोंयचे राष्ट्रीय समुद्रशास्त्र संस्थेन (एआयओ) तांच्या पणजेच्या दोना पावलाच्या संकुलांत 20 व्या जिओट्रेसेस वैज्ञानीक सुकाणू समितीचे (एसएससी) बसकेचें आयोजन केलां. 15 ते 17 ऑक्टोबर मजगतीं आयोजीत हे बसकेंत विवीध देशांतले 29 वांगडी हाजीर आशिल्ले, जाल्यार 15 वांगड्यांनी ऑनलायन वाटो घेतिल्लो.
जिओट्रेसेस ही एक आंतरराष्ट्रीय कार्यावळ आशिल्ल्यान आशिल्ल्यान जैव- भू- रासायनीक चक्रां विशीं अवगत जावपा वांगडाच दर्याच्या वातावरणांत सुक्ष्म मूलद्रव्यांचें आनी तांच्या थळाव्यांचें व्हडा प्रमाणांत वांटप सुधारपाचो तांचो हेतू आसा. सगल्या मुखेल महासागर खोर्यांच्या अध्ययना खातीर संरचीत हे कार्यावळींत 35 राष्ट्रांचे शास्त्रज्ञ वाटेकार जाल्ले.
हे बसके विशीं म्हायती दितना धर्तरी विज्ञान मंत्रालयाचे सचीव डॉ. एम. रविचंद्रन हांणी, एसएससी बसकेंत दर्याच्या पर्यावरणावेल्या चालू अभ्यासांचेर विचार जावन जिओट्रेस खातीर फुडारा खातीर कृती येवजण राबयतले. महासागर व्हड आशिल्ल्यान तातूंत सुक्ष्मजीव पटल आनी आयनसारकिल्ले कांय ल्हान कण आसात जे दर्याच्या वातावरणांत म्हत्वाचें. जिओट्रेस कार्यावळी खाला जावपी अध्ययनांत ह्या बारीक कणांचेर आनी हेर वीवीध जिवांचेर संशोधनाचो आसपाव आसा, अशें तांणी म्हणलें.
जिओट्रेसेस कार्यावळी खातीर देखरेख आनी समर्थन करपी आंतरराष्ट्रीय संस्था, वैज्ञानीक महासागर संशोधन समिती (एससीओआर) जिओट्रेसेसाक तांच्या व्हड प्रमाणांत आंतरराष्ट्रीय महासागर संशोधन प्रकल्पां मदलें एक म्हणून सांबाळटा. एससीओआर जिओट्रेसेस खाला वांटेकार जाल्ल्या देशांतल्या संशोधन उपक्रमांत समन्वय साधपाक आनी कार्यावळीच्या वर्सुकी अहवालांचें पुनरावलोकन करपाकूय मजत करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
