भांगरभूंय | प्रतिनिधी
येजमान गोंयान राष्ट्रीय खेळां सर्तींत काल तीन पदकां जिखून आपल्या पदकांची वट्ट संख्या णवाचेर पावयली.
कांपाला वयल्या इन्डोर स्टेडियमाचेर जाल्ले नॅटबॉल फास्ट5 प्रकारांतले फायनलींत हरयाणा आड 33-22 अशी हार घेवची पडली. ताका लागून गोंयाक रुप्या पदकाचेर समाधान मानचें पडलें.
परंपरीक प्रकारांतले सेमी फायनलीक पात्र जावपाक अपेशी थारिल्ल्या गोंयच्या दादल्यांच्या फास्ट5 प्रकारांत सुदारणां केली आनी गट पांवड्यार दुसरी सुवात मेळयली.
मजगतीं, पेनकॅक सिलाटांत गोंयान दोन पदकां जिखलीं. मार्शल आर्ट प्रकार पेनकॅक सिलाटांत कलात्मक रेगु दादल्यां गटांत कलात्मक तुंगल बायलांच्या गटांत कांश्या पदक जिखलें.
एले दा सिल्वा, प्रतीक नायक आनी रायन फर्नांडीस ह्या त्रिकुटान रेगुंत उत्तराखंडा वांगडा जोड रितीन कांश्या पदक जिखलें. ओडिशाक रुपें जाल्यार महाराष्ट्राक भांगरा पदक फावो जालें. कलात्मक तुंदल बायलांच्या गटांत गोंयची हिना कौसरान कांश्या पदक मेळयलें. हरयाणाचे सिमरनान भांगरा पदक जाल्यार महाराष्ट्राचे कृष्णा येवलेन कांश्या पदक मेळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
