गोंयच्या जैतांत चित्तम पर्जळ्ळो

भांगरभूंय | प्रतिनिधी

विनू मांकड वन डेक्रिकेट सर्तींत काल अंबीच्या डी.व्हाय. पाटील अकादमी मैदानाचेर जाल्ले मॅचींत गोंयान मेघालयाक 8 विकेटींनी हारयलो. गोंयच्या जैतांत चित्तम देवनकुमारान 55 धांवड्यांची खेळी केली. ताचे खेरीत सनथ नेवगी आनी मुखेली दीप कासवणकार हांणी म्हत्वाची खेळी केली.

पयलीं बॅटींग करपी मेघालयान निर्धारीत 50 ओव्हरींनी 7 विकेटी वगडावन 180 धांवड्यो केल्यो. ओपनर मृणाल दास (53) आनी मुखेली भारली (65) हाणें अर्द शेंकड्याची खेळी केली. दोगांयनी पयले विकेटी खातीर 108 धांवड्यांची भागिदारी करून आपल्या पंगडाक बरी सुरवात करून दिल्ली. पूण, उपरांत थारावीक अंतरान विकेटी पडत गेल्ल्यान मेघालयाक 180 मेरेन मजल मारप शक्य जालें.

गोंया वतीन दावखुरो स्पिनर अभिनंदन ठाकूर पर्जळो. ताणें चार विकेटी घेतल्यो.

प्रत्युत्तर दितना गोंयान 33.2 ओव्हरींनी फक्त दोन विकेटी वगडावन मोख मेळयली.

थोडे भितर धांवतकटोः मेघालय, 50 ओव्हरींनी 7 बाद 180 धांवड्यो (मृणाल दास 53, भारली 65, शेवियन नाबाद 36 धांवड्यो, अभिनंदन ठाकूर 4-35, नमेश काणकोणकार आनी चित्तम देवनकुमार दरेकी 1 विकेट) हार आड गोंय, 33.2 ओव्हरींनी 2 बाद 181 धांवड्यो (चित्तम देवनकुमार 55, शोएब शेख 26, सनथ नेवगी 42, दीप कासवणकार नाबाद 32, विर्धन मिस्कीन नाबाद 13 धांवड्यो).