गोंयचे शालेय शिक्षणाचे गुणवत्तेंत सुदारणा

भांगरभूंय | प्रतिनिधी

‘आकांक्षी-१’ श्रेणींतल्यान ‘प्रचेस्ता-३’ ह्या दुसर्‍या उत्कृश्ठ गटांत सुवात

पणजी : गोंयचे शालेय शिक्षणाचे गुणवत्तेंत कांय प्रमाणांत सुदारणा जाल्ल्यान, राज्यान केंद्रीय शिक्षण मंत्रालयाच्या ‘परफॉर्मन्स ग्रेडिंग इंडेक्स’ (झॠख) अहवालांत ‘आकांक्षी-१’ श्रेणींतल्यान वयर सरून ‘प्रचेस्ता-३’ ह्या दुसर्‍या उत्कृश्ठ गटांत सुवात मेळयल्या. हो अहवाल २०२२-२३ आनी २०२३-२४ ह्या वर्सा खातीर जारी केला.
राज्याचा स्कोअर २०२१-२२ वर्सा ५२१५८० मजगतीं आशिल्लो, जो २०२२-२३त ५८१ आनी २०२३-२४ वर्सा ५८९.७ मेरेन वाडलो. हाका लागून गोंय आतां ५८१६४० गुणांचे श्रेणीत येता. ह्या कामाक लागून गोंयचो ‘प्रचेस्ता-३’ गटांत स्थान मेळोवपी १० राज्यांनी आसपाव जाला. केंद्रीय पांवड्यार चंदीगड ‘प्रचेस्ता-१’ गटांत सर्वोच्च ७०१७६० गुणांनी मुखार आसा. मात आजूनय खंयचेंच राज्य ‘दक्ष’, ‘उत्कर्ष’, ‘अति-उत्तम’ वा ‘उत्तम’ ह्या टॉप चार श्रेणींत पावूंक ना.
गोंयची कामगिरी ‘समान संद’, मुळाव्यो सुविधा, प्रवेश आनी प्रशासन प्रक्रिये विशीं बरें उरलां. समानतेच्या घटकांत राज्यान २६० मदले २२३ गूण मेळयले. मात, लर्नींग आऊटकम ह्या म्हत्वाच्या घटकांत गोंयचो स्कोअर २४० मदलो फकत ६१.४ इतलो उरला. गणित आनी विज्ञान विशयांतली कामगिरी हाका कारणीभूत आशिल्ल्याचें नेशनल अचिव्हमेंट सर्वेंत स्पश्ट जालां.
मजगतीं, दोनूय जिल्ह्यांची कामगिरी पळयल्यार उत्तर आनी दक्षीण गोंय ह्या दोनूय जिल्ह्यांक प्रक्षेत्र १ (५१%६०%) श्रेणींत सुवात मेळ्ळ्या. दक्षीण गोंयचो स्कोअर ३१६ आशिल्ल्यान तो आदल्या वर्सा प्रमाण कायम आसा. उत्तर गोंयान मात ३०० वेल्यान ३१३ गुणां मेरेन उडी मारल्या.

विवीध निकशांचेर गोंयच्या दोनूय जिल्ह्यांची कामगिरी अशी आसा :
१) प्रभावी वर्ग वेव्हार :
उत्तर गोंय ६५/९०
दक्षीण गोंय ६२/९०

२) मुळाव्यो सुविधा आनी विद्यार्थी हक्क : दोनूय जिल्ले ३३/५१

३) शालेय सुरक्षा आनी बाल संरक्षण :

उत्तर गोंय १९/३५

दक्षीण गोंय १६/३५

४) डिजिटल शिक्षण :

उत्तर गोंय २६/५०

दक्षीण गोंय २४/५०

५) प्रशासन प्रक्रिया :

उत्तर गोंय ४६/८४

दक्षीण गोंय ४३/८४

पीजीआयचो उद्देश राज्यां आनी केंद्रशासीत प्रदेशांक गुणवत्ते विशीं बर्‍या शिक्षणाचो परिणाम साध्य करपाचो हेत आसा. हातूंतले सगले निकश सर्वोत्तम कामगिरी करपी १० राज्यांनी पाळ्ळ्यात.