भांगरभूंय | प्रतिनिधी
भांगरभूंय । खेळां मेज
पणजीः गोंयचे स्टार बॅडमिंटन खेळगडी अनुरा प्रभुदेसाय आनी एच अरुणेश हांकां 37व्या राष्ट्रीय खेळां सर्तींत बॅडमिंटनाचे वैयक्तीक गटांत पयलेच फेरयेंत हाऱ खावची पडली. दोनापावलच्या डॉ शामा प्रसाद स्टेडियमांत जाल्ले वैयक्तीक पयले फेरयेंत दोनूय सर्तकांनी बरो प्रतिकाल केलो मात आपल्या वरचड प्रतिस्पर्धी सामकार तांचें कांय चल्लें ना.
भारताच्या आदल्या नंबर वन अनुरा प्रभुदेसायान टॉप सीड आनी संवसारीक क्रमवारींत 38वे सुवातेर आशिल्ल्या छत्तीसगडच्या आकारशी कश्पप हाचे कडल्यान दुसरे गेमींत पांच गुण मेळयले पूण ताचो लाब ताका घेवप शक्य जालें ना. निर्णायक गेमीत पायांक दुखापत जाल्ल्यान ताका खेळ सोडचो पडलो. कश्यपा कडल्यान ताका ही मॅच 19-21, 25-23, 13-7 अशी वोगडावची पडली.
ताच्या पयलीं एच अरुणेश हाणे भारताचो नंबर 6 मध्यप्रदेशाच्या आलाप मिश्रा हांका तोडीस तोड लडत दिली. मात निर्णायक गेमींत ताणे केल्ले चुको ताका भोवल्यो आनी ताका हार खावची पडली. 49 मिनटां चल्लील्ल्या हे मॅचींत ताका 21-10, 13-21, 21-18 अशी हार खावची पडली.
राष्ट्रीय बॅडमिंटन सर्तींतली बॅडमिंटन वैयक्तीक सर्त भारतांतल्या टॉप सिडेड खेळगड्यां मदीं जालीं. अनुरा आनी अरुणेशान बरो खेळ केलो मात अनुराक दुखापतीक लागून खेळ सोडचो पडलो. जाल्यार अरुणेशान बऱ्योच चुको केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
