भांगरभूंय | प्रतिनिधी
नावेली, प्रतिनिधी ः सोबीतकाय, बुद्धी आनी प्रतिभेन गोंयची सोबीतकाय इशिता पै रायकार हें न्यू जर्सींत जाल्ल्या ‘41व्या वर्सुकी मिस इंडिया यूएसए’ सर्तींत उपजैतिवंत थारलीं. हाका लागून ‘मिस इंडिया वर्ल्डवाइड 2024’ त तिची सुवात निश्चित जाल्या. गोंय खातीर ही व्हड अभिमानाची गजाल.
इशिता हे मीनल आनी श्रीनिवास पै रायकार हांची धूव. हें कुटुंब मूळ मडकयचें सध्या ते मडगांवां रावता. इशिता नॉर्थ कॅरोलिना स्टेट युनिव्हर्सिटींत (एनसीएसयू) संगणक अभियांत्रिकीच्या तिसऱ्या वर्सात शिकता. एक वेवसायीक भरतनाट्यम, TEDx स्पीकर, अष्टपैलू अभिनय कलाकार, मॉडेल म्हणून तिची वळख आसा.
इशितान 2022 वर्सा मिस इंडिया नॉर्थ कॅरोलिना सर्तींत तिसरी उपजैतिवंत आशिल्ली. 2023 वर्सा तिका राष्ट्रीय मंचीचेर संद मेळ्ळी. मिस इंडिया यूएसए सर्तींत तिका सुवात मेळ्ळी. ही सगळ्यांत चड काळ चलपी सर्त. न्यूयॉर्कांतले मूळ भारतीय धर्मात्मा आनी नीलम सरन हांणी वर्ल्डवाइड पेजंट्साच्या बॅनरा खाला ही सर्त सुरू केल्या. हातूंत इशितान उपविजेते स्थान मेळयलां.
सर्त जिखल्या उपरांत इशितान आपलें मत उक्तायलें. ‘मिस इंडिया यूएसए २०२३’ च्या दुसरी उपविजेती म्हणून ताज मेळपाचो गौरव सोडल्यार ह्या प्रतिश्ठीत मंचाचेर भारताचें प्रतिनिधित्व करप हें एक सौभाग्य. उपविजेते जावप म्हजे खातीर एक खाशेली गजाल अशें तिणें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
