भांगरभूंय | प्रतिनिधी
गुरवारपणांत बायलांक जेवणा पसून ते दिसपट्ट्या वेव्हारा मेरेनच्या दर एके बारीक सारीक गजालींची जतनाय घेवपाची गरज आसता. हो णव म्हयन्यांचो काळ खूब नाजूक आसता. दरेके बायले मदीं गुरवारपणांत जायते हार्मोनल बदल घडटात. ताका लागून ह्या काळांत खावपाचे संवयेंतूय बदल जाणवतात.
गुरवारी जायते फावट वेगवेगळें जेवण खावपाची इत्सा उक्तायतात. पूण ह्या काळांत नाका जाल्ल्या खाणां पसून पयस रावप गरजेचें. गुरवारपणांत पॅक केल्ले फळांचे रोस आनी थंडपेय आवय आनी भुरग्याक माल पडपाक शकता. ताणा बगर गुरवारपण आनी निरोगी प्रसुती खातीर निरोगी आहार घेवप खूब म्हत्वाचें. गुरवारपणांत थंड पेय पिल्यार ताचे भलायकेक तशेंच गर्भाचेरूय वायट परिणाम जावं येतात. हे विशीं दोतोर कितें सांगता हें पळोवया.
दोतोरांच्या म्हणण्या प्रमाण थंड पेयांनी साकर चड आसता. तशेंच तातूंत सॅकरीनूय आसता, जें बायलां आनी भुरगें दोगांय खातीर धोक्याचें थारूंक शकता.
कितलीं थंड थंडपेय पिवपाक शकता?
गुरवारपणांत थंडपेय पिवचें न्हय. पूण खर इत्सा जाल्यार दोन- तीन म्हयन्यांत एक- दोन फावटीं पिवचीं. पूण तेंय सामकें उण्या प्रमाणांत. हाचे परस चड पिल्यार वायट परिणाम जावं येतात.
थंडपेयांत रूच आनी रंगा खातीर खुबशे तरेचे प्रिझर्वेटिव्ह वापरतात. जे सामान्य लोकांचे भलायके खातीर बरे न्हय. गुरवारपणांत हें सामकें वायट. हाका लागून भलायकेचे जायते धोके वाडूंक शकतात, जशे एलर्जी, वजन वाडप, रगतांतली ग्लुकोजाची उच्च पातळी. देखून निरोगी गुरवारपणा खातीर थंडपेय टाळचें.
तुमकां जर थंय कितेंय पियेंव कशें दिसता जाल्यार तुमी कांय निरोगी पर्याय वेंचूंक शकतात. जशें, ताक, नाल्लाचें उदक, लिंबाचें उदक, भाजयेचो सूप, फळांचे फ्रेश जूस. ह्यो गजाली पिल्यार तुमी निरोगी उरतलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
