भांगरभूंय | प्रतिनिधी
फायनलींत शिरोडें उच्च माध्यमीक स्कुलाक 21-16 आनी 21-19 अशा फरकान हारोवन गुडी पाड्डेंच्या दामोदर उच्च माध्यमीक स्कुलान खेळां आनी युवा वेव्हार खात्यान आयोजीत केल्ले 19 वर्सां पिराये सकयले झोन चार सॅपेकटॅकरो सर्तीचें वस्तादपण जोडलें.
सर्तीचें आयोजन बोरीमळ केपेंच्या खेळां संकुलांत केल्लें. ते पयलीं जाल्ले सेमी फायनलींत दामोदर उच्च माध्यमीक स्कुलान कुडचडेंच्या गार्डियन अॅंजल उच्च माध्यमीक स्कुलाक 21-6 आनी 21-10 अशा फरकान आनी शिरोडें उच्च माध्यमीक स्कुलान कुंकळ्ळीच्या कुंकळ्ळी युनायटेड उच्च माध्यमीक स्कुलाक 21-14 आनी 21-14 अशा फरकांनी हारोवन फायनलींत सुवात मेळयिल्ली.
जैतिवंत दामोदर उच्च माध्यमीक स्कुलाच्या पंगडांत मिकी डायस, स्वप्नेश गांवकार, अलौयसियस फर्नांडीस, ज्युलियस कार्व्हालो आनी आकाश मौर्य हांचो आस्पाव आशिल्लो. पंगडाक खेळां शिक्षक जयकृष्ण नायक देसाय आनी लक्ष्मण प्रभुदेसाय हांचें मार्गदर्शन लाबिल्लें. दिलखुष गांवकार आनी सुरेश गांवकार हांचें प्रशिक्षण लाबिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
